Flôwes.
(Willy Leroy).
Flåwe 81: Cazino.
Flåwe 82: Golf.
Flåwe 83: Èchafôdadje.
Flåwe 84: Paradis.
Flåwe 85: Spotchéye.
Flåwe 86: Lu parapwi.
Flåwe 87: Les péchés.
Flåwe 88: La rédacsion.
Flåwe 89: La Passion.
Flåwe 90: La Tinre [terre].
Flåwe 91: Lu tchapê
Flåwe 92: Lu chèvreû.
Flåwe 93 Lu mistêre:
Flåwe 94: Lu gorile.
Flåwe 95: Lu Tchèt
Flåwe 96: Lu tchèt rapide
Flåwe 97: Lu tchèt ki côze
Flåwe 98: Les plats solès.
Flåwe 99: Les rodjeurs
Flåwe 100: Lu tchfô.
Ène feme va mon la vèjine po lî dmandè ôke. La vèjine vint drovu, èt a ç' momint la lu tchèt broke a l' uch, fêt twas côps l' toûr do partêre, mousse dins la côve, rumonte pa l' atchènô, fêt deus côps l' toûr do tet, intère pa ène vite mon l' vèjin, russôrte pa la tchminéye, passe pa l' guèrnî...èt tot ça, al vole....
- Mês anfin, di-st-èle la vèjine, cwè ç' k' il è vosse tchèt ?
- Nu fjez nin atancion, da, dju vin du l' fè côpè, èt po l' momint il èst an trin d' dècomandè tos ses randez vous !
Lu tchèt ki côze
In rprézantant rintère al môjon, sins prévnu. La feme èst dja coûtchéye, mês on vèt k' èle n' èst nin a s' n-ôje...L' ome su mèt o lit èt in pon après, il atind in brut.
- Cwè ç' du ça, di-st-i ?...
èt il atind : " Miaou "...i n' fêt pus atancion, èt prète a dwarmu, il atind co l' minme brut dins l' ârmêre...
- Cwè ç' ki fêt ç' brut la ?
Èt on z-atind ène tote pètite vwas dins l' ârmêre : " C' èst co l' tchèt... ! "
Les plats solès.
Ène grande feme avu ène sere mine, intère mon l' martchand d' solès.
- " Dju vôro bin, di-st-èle, des solès avu des plats talons... "
- " C' èst po pwartè avu cwè, di-st-i l' vindeu ? "
- " Avu in ptit ome... ! "
Les rodjeurs
Èn ome va trovu l' docteur èt lî raconte :
- " Cand dj' arive o burô, dj' atrape des rodjeurs plin la figure èt dju cmince a stofè. "
- " Bin dj' alans vèy ça ! di-st-i l' docteur.
I l' vizite....
- Bin c' èst vosse foie, i fôrot v's fè opèrè. "
Nost ome fêt come ça èt kinze djoûs après lu vla chapè. I va a s' burô, su rwête dins ène glace...des rodjeurs plin la figure èt i cmince a stofè...
I va vèy in grand spécialisse, ki fêt totes sôrtes d' ègzamins èt ki lî dit :
- " Ça vint d' vost èstomak... i fôrot anlevè ça !..
Et hop lala, in mwès d' opital èt pus...rin, pus rin. Il èst contint, i rintère al môjon. Lu londmwin, i sôrte po z-alè a s' burô....i dvint tot rodje, i stofe, l' ambulance lu mine a l' opital, cate docteurs s' ocupèt d' li...èt po fini, I dècidèt d' lî anlevè tos les boyês. Après twas mwès, il è do mô d' haye. Lu chèf docteur lî dit k' i n' ôrè jamês puche du rodjeurs èt k' i n' sutofrè pus...mês k' i n' è pus ki cate a cink mwès a vikè.
Nost ome, ki nn-è in pon s' sô su dit k' i va z-a profitè come i fôt. I s' paye l' ôtèl chic, les ptites femes, les voyadjes...èt i s' rumousse des pîds al tiasse. Il atchète cink costumes, doze cravates, vint pêres du solès èt çant cinkante tchumîjes(ène par djoû, po cink mwès). Lu vindeu lî prind mèzere po tot ça... èt po les tchmîjes, di-st-i l' vindeu, i vos fôt do 40.
- Nèni, di-st-i l' ome...37....nèni, di-st-i l' vindeu...40, dju vin d' mèzerè....èt mi dju v's dit 37, di-st-i l'ome....
- Choûtèz, di-st-i l' vindeu, mi dju vu bin, mês si vos pèrnèz do 37, vos alèz aver des rodjeurs plin la figure èt vos stofrez tot l' tins !!!
Lu tchfô.
Èn ome vôrot bin fè do tchfô. I va ô manêje po vèy cwè. Lu rèsponsâbe lî dit :
- " Vos dnez cinkante mille francs par mwès, èt vos plez vnu kère in tchfô cand vos vlez. "
- " Èt dju pu l' ôrdè kbin d' tins ? "
- " Ça n' mu rgârde nin, vos è discutrez avu li... "
Willy Leroy, 2001.
In djouweu rwête rôlè la ptite tchike su la rôlète. I tûze :" Dju dvro mète mile francs su l' catôrze, po gangnè gros ! "
Lu catôrze sôrte.
A bin ça, di-st-i, si dju m' choûtro, dju mètro tot su l' vint' po aver lu pot..
Lu vint' sôrte...èt l' djouweu fêt l' conte du ç' k' il ôrot polu gangnè...carante milions. Su keur manke du lâchè, i s' lève po sôrtu, pus i rvint su ses pas, prind dins sa potche one plake du dûj mile francs èt la tape ô croupié an djant : " Po l' pèrsonèl. "
Willy Leroy, 2001.
In djouweu lance la bale brâmint trop fwart.
I kère après...rin. Ène duméye eure après, lu champète vint trovu l' djouweu .
- C' èst vos k' è piardu ène bale du golf ?
- Ây !
- Èt bin, vos l' avez avoyè dins l' oûy d' in tchôfeu d' camion k' è ratè l' passadje a nivô...lu trin è dèrayè èt cink vagons ont moussè dins on camping, i gn è u nonante mwarts...Èt asteure, cwè ç' kè v's alèz fè ?
- Bin, di-st-i l' djouweu, dju cwa ki dj' va tni mu stik ôtremint, an sèrant mî les dets.
Willy Leroy, 2001.
Èn ovrî teme d' èn èchafôdadje.
Les djins acourèt po vèy cwè ! Èn ajant arive su l' côp èt dmande çu k' i s' passe.
L' ovrî rèspond :
- " Dju né sé nin, vla k' dj' arive. "
Willy Leroy, 2001.
A l' opital, in malôde sôrte do coma.
- Èst ç' kè dj' su arivè ô paradis, di-st-i ?
- Nèni, di-st-èle sa feme, dju su todi la.
Willy Leroy, 2001.
- Ça va, di-st-i l' ome, a s' camarâde ?
- Ây.
- Èt ta feme, todi...
( a ç' momint la, i rsondje ki s' camarâde è piardu sa feme dins in tèribe acsidant d' ôto)... i bèguîe in pon...
To...todi...euh...spotchéye ?
Willy Leroy, 2001.
Deus femes su porminèt èt tot d' in côp ène dit a l' ôte
" Mon Dje, dj' ê piardu m' parapwi ! "
" Bin, di-st-èle l' ôte, cand ç' ki v's avèz vèyu ki vos n' l' avîz pus ? "
" Cand dj' ê volu lu rclôre. "
Willy Leroy, 2001.
Ô catèzime, lu curè dmande ôs èfants ç' k' i fôt fè po ki l' Bon dje nos pardone nos péchés !
Èn èfant rèspond
" Bin, i fôt d' abôrd a fè! "
Willy Leroy, 2001.
Èn èlève dvot fè ène punicion d' çant lignes
ène rédacsion su l' Bon Dje. Lu londmwin, l' gamin apwate l' ovradje. Il avot scrît
" Dju m' dumande bin dû ç' k' èst l' Bon Dje ? Dju l' houtche du tos costès
Mon Dje, mon Dje, mon Dje... "
Willy Leroy, 2001.
Lu curè dmande, co todi ô catizime :
" Cwè ç' ki Nosse Sègneur sondjé tins d' la Passion ? "
In gamin rèspond
" Dju m' an fou, dins twas djoûs dju rèssucite! "
Willy Leroy, 2001.
Lu curè raconte comint l' Bon Dje è fêt la tinre
" Lu premî djoû, il è fêt la tinre. Lu deuzime, les montagnes èt les mérs. Lu twazime, les fleurs èt les frwits. Lu catrime, les bièsses. Lu cinkime, il è fêt l' ome èt anfin, lu chîjime il è fêt la feme...èt l' curè, après aver tûzè in momint, su dit, a li minme
bin sûr, on sintot k' il astét hode... "
Willy Leroy, 2001.
91/433 :
Deus fôs s' porminèt dins l' azîle avu ène casrole s' la tiasse.
C' èst pèzant, di-st-i ink !
O bin ây, rèspond l' ôte...On dvrot fè des casroles avu dol paye, po l' èstè.
Willy Leroy, 2001.
In tchèsseu rintère al môjon avu ses camarâdes. I va addé sa feme èt lî dmande :
" Èst ç' ki tot l' monde èst rintrè ? "
" Ây, di-st-èle, pocwè ? Ç' astot bin i chèvreu, d' abôrd! "
Willy Leroy, 2001.
Èn ome fwart tracassè, dit a s' camarâde :
" Dju su mariè duspôy twas mwès èt dj' ê dja èn èfant. "
" Ça, di-st-i l' ôte, c' èst in mistêre! "
" Mistêre, mistêre, mariè d' twas mwès èt aver èn èfant, cwè ç' ki ça vut dîre ? "
" C' èst in grand mistêre, ki dju t' di ! "
" Bin, tu m' énèrves avu t' mistêre...Choûte, si tu vas al tchèsse èt k' tu tires su in lîve èt ki teme duvant t' côp d' fizik, tu lemes ça in mistêre,twè ? "
" A, nèni valèt, ça c' èst ink k' è tirè dvant twè ! "
Willy Leroy, 2001.
L' ome, la feme èt la bèle mére vont al tchèsse an Afrike. I sont catchès padrî in gros ôbe.
Tot d' in côp, la feme crîe :
" Abîe, i gn è in gorile k' è apicè nosse mére, cwè ç' k' on va fè ? "
" Rin, di-st-i l' ome. Ça lî èst bon, i kère les anmèr-
demints, k' i tire su plan ! "
Willy Leroy, 2001.
Ène pôve vî feme vikot avu s' tchèt dins ène pètite cahute tote dusbrôléye. Èle su dit k'i vôrot mî moru ki d' vikè insi. Mês ène fée intère dins la môjon èt lî dit k' èle va fè ôke por lèy, d' abôrd k' èle n' è jamês rin dmandè, èle nu s' è jamês rdeulè...Anfin, la vî djint put fè twas veus.
" Bin, dju vôro k' ma vî môjon duvneuche in tchèstê. "
Do côp, vla in gros tchèstê.
" Dju vôro co bin radjon.ni brâmint ! "
Èt la vla bèle come tot avu ses vint' ans.
" Dju vôro ki m' tchèt soye in bê djon.ne ome èt fwart ritche."
Èt bin sûr, vla nost ome...èt il èst télmint bê, ki la tote nûve comére lî dit :
" Dju t' inme ! "
" Dju vu bin, di-st-i nosse cazanova, mês la ptite opèracion kè v's avîz dmandè ô vètèrinêre du m' fè, dju cwa ki va aver des mantches a mète. "
Willy Leroy, 2001.