• Li Diyé Sirré da Colon Djôrisse
• I n' fåt nén dner ça a Tibî Mèyî.
• Lu ptit nûton d' Cwî.
• Itto Ukemmu.

Estant ptit, djù m' rafiyo toudi d' resse a l'iviêr, pask'adon, c'est toutes mou longuès chîjes. Cand c'est k' djù rùvnins dù scole, djù bùvins l' cafè avù des bounès faguêyes dù pwârè kù Bobone nous avot aprèté; djù fjins nös bouyes poul sùcole bin påjîrmint, èt ç'astot dèdja l'anùti.

Çù djoû la, nosse pére s'avot avancî pou rwaster l' sougne. Dandjreûs k'i vlot naler al chîje amon yink û l'öte. Ène boune platnêye dù canadas rtchåfés avù deûs ûs fricassés èt deûs cùrtons d' mêgue lård: i n'ont nin tchamoussé al pêle! Avù ène fourtchète, i hertchot les deûs djånes d'û èt les gros trùks dou mitan doul pêle, èt i spotchot ttafwêt dins sn assiète. Les bokets d'åbin èt les ptits marmitchons ki dmèrint s' les bwârds, ç'astot pou nouzötes. Avù ène pîce dù djambon, ç'astot nosse deûjime souper. On s'a ralètchot, coume cand i nous rapwartot dou pwin dou lîve dins s' malète, k'il avot sté ou bwès.

Cand nosse pére è yù fwêt, il è apicî l' calote, èt s' l'afoncer jùsk'à pa padrî les orèyes. Il è dùspindù l' corsùlet èt s' ratwartchî su hanète dins ène bèle èt tchöde ècherpe. I rwêtot dù m' costé à brotchåd: il avot chûr bin veû kù dj'asto ki djériyot, lu boutche å lådje, coume in ptit tchin ki ratind après s' bouket d' sùk.

" Alê, Firmin, di-st-i d'in plin cöp, mètèz vosse bê nû paltot: dj'îrans al chîje amon Colin Djöriss.

Santèz bin k' djù n' ratindo k' ça. Djù l'åro bin yù rabressî. Sù mwinss dù tins k'i n' fåt pou poûsser ène tchîpe, dj'asto fin prett.

Djù savo bin k'i l' frint tchanter l' " Diyé Sirré ".

Colin Djöriss, ç'astot in Fåminwès. Cand il astint ratroplés a s' mwåjon, ç'astot recta! I falot k'il atoune lù " Diyé Sirré ", sù " Diyé Sirré ". Savèz co bin skù c'èst, don, l'  " Diyé Sirré "? C'est l' mwêsse-tchant doul messe des mwârts? Lù Colin Djöriss, çù n'astot nin, sapinse lù Bourkin, in bateû d'êwe d'abîye. Ç'årot co yù pùs vite sùté l' contrêre, èt s' " Diyé Sirré ", i n'astot nin trop catolike.

Colin Djöriss, in gros roujlant oume avù des cråssès machèles, è röguiyî in ptit cöp, coume pour lou s' racléri l' gwadje. Pûs adon, ça è rèchù fû dù s' gozî coume si ç'årot yù sté in vî mårlî, k'avot yù fwêt ça toute su vîye. Choutèz vouzötes minmes: çù n'est nin piké des viêrs.

*************************************************

Diyé sirré, diyé silla,

Kîksè çti ci, kîksè çti la?

Kîksè bin ki c' mannet godi la?

Kîksè ç' vèråt la k'ä l' panse o vacha?

*************************************************

Il ä tot bèvù, il ä tot magnî

Èt s' ni nos a-t-i rin lèyî

Ki des ârdwèzes plinnes di cröye à payî.

*************************************************

Èt c'est co les cis ki n'ont dandjî k' d'on coyî,

D'one fortchète èt d'one pitite kîye,

C'est co cès la ki sront payîs les prèmîs. "

*************************************************

A-â-â-â-âmè-èn. "

*************************************************

Tourtous tchacot dins ses mwins. Lù gros oume rùlvot l' bùrtèle dù s' marone. Èt, pou n' nin moustrer k'il astot mou fîr, èt k'i riyot tout bas d' plêji, il a-n alot à bachète avè l' sùtûve. Èt tîjner èt grawiyî dins les bréjes èt rmète in bwès ou fû.

Dins l' timps, à Djimbe, i gn avot in vî pöve k'on loumot Tibî Mèyî. Djù n' vous såro dîre si ç'astot s' vrê nom û in söbricot. I lodjot l' diâle al boûsse, sapinse k'on dit; ça vùt dîre k'i n'astot nin ritche. I dmèrot dins ène pitite cayùte mètùye djondant les ètangs d' Mùssi, la k'on djot kù, dins l' timps, i gn avot yù in viyadje k'avot sté dùstrût pal pesse.

Pou gangnî kékes sous, il atùrpùrdot sacwantès kerwêyes dins les bwès, pou yink ù l'öte. I ramassot des coches dins les pårts dù virêye, i fjot des fagots k'il alot vinde ås djins pour zès ralùmer l' fû, û brûler dins les tchminêyes k'on z afùme les djambons. Avù les rames dù böle, i fjot des ramons, èt cand i nn avot in çant, gn avot in tchèriyeû ki passot èt ki les pùrdot. Ç'astot pou chouver dins les ûjines, dijot-i.

La, wê, k'in bê djoû, vou l' la tùmé sù ène anciène êre dù fåde. I gn avot doul bèle nwâre tère à make. Jùstùmint, Batisse dou Tchesse-mönêyes a dmandot toudi pou ses êrîyes dù fleûrs. La nosse Tibî Mèyî k'a raplènit in satch à houpe èt i l' va pwartù ou Batisse ki lî è dné ène pitite dringuèle, coume dù jùsse, don.

Lù Batisse, i frot spès ûsk'i s' piêdrot, la, lou. Il è passé l' nwâre tère avù in ptit rêdje, èt il è fwêt des potêyes avù in ptit broustiyon d' jèraniom. Èt i les è vindù bêzè tchîr à des tourisses.

Nosse père avot veû l' coup d' temps. Ç'astot en oume fwârt cùrieûs sù tous les cayets d' bwès. D'ayeûrs, il astot toudi stiké dins les cöpes èt les virêyes. Ét il avot ça d' bê: i vlot toudi êdî les malèreûs a lzî moustrant coumint fwêre pou tirer leû plan tout seûs. " I våt mî lèzî aprinde à mète ène bricole, k'i djot toudi, kù dùlzî pwartù in lîve tchöd dùspindù."

Il avot cåzé d' l'afwêre doul nwâre tère à èn oume d'Anvers ki vnot al tchesse à Bestin èt ki fjot dins les fleûrs. " Dj'a vùs bin tant k' vous nn öz, avot-i rùspondù, mês i mùl fåt fine rêdjîye: vous n'öz k'à l' passer coumifåt èt s' l'aplèni à satchots d' dîj kilos. "

Dj'avins in vî djâle al grègne, ki n'alot pùs. Djù m'avo amûzé à z a dùsmonter les twâs rêdjes. Dj'avo ramwintchî in toûr dù plantche tåtoûr dù pùs fin, pou fwêre in câré rêdje coume, dinltins, les djins rêdjint leûs dênrêyes avù, pou tirer les payètes èt les nichtés fû des grins. Nosse pére m'è voyî poul pwartù à Tibî Mèyî.

" Wê, di-dj', vous n'åroz k'à l' pinde après l' mwêsse-viêne doul cayùte, avù ène tchinne, pouz awèr pùs åjî. Adon, vous n'öz k'à mète doul tère dù fåde dùdins èt kcheûre lù rêdje pou fwêre tùmer l' poûssîre sù in satch sùl dagne. "  " Bin ây! " avot-i rùspondù.

Dj'avo co bèvù avù lou ène jate dù tène cafè, èt l'afwêre avot dmèrù la.

Lu vikêrrîye ènn alot pyim pyam ou viyadje, coume d'aladje. Nosse pére avot rascontré in cöp û deûs Tibî Mèyî, èt s' lî dmander cwè poul rêdje. "  I va bin! " avot-i rùspondù.

C'esst in cöp kù dj'avo rpassé pal cayùte, pou z awèr ène banslêye d'estèles d'abatadje. (Djù savos bin k'i les alot ramasser padrî les boukions k'abatint ås hesses ou Miyan Fayis). Dùvant d' mousser al cayùte, djù tape mes oùy pa padrî, èt keskù dj' wès?

Lù bê rêdje dù nosse djâle k'astot rabocté avù des trèyis d' fiêr pou fwêre ène cadje à lapin!

Dùspûs don, on dit toudi : " I n' fåt nin dner ça à Tibî Mèyî ", cand i gn è yåk k'è co doul valeûr, èt k'on l' vùt dner à kékin pou lî fwêre plêji.

Dùspûs k' Mitan d' Cok avot manké dù s' fé rosti pou tchestùrlin d' Roûmont, èt k'il avot houtchî l'Êwe-dù-Lesse à s' sùcoûrs, dùspûs ç' tins la, dabörd, l'Êwe-dù-Lesse prind choûrd à Ötchamps.

Dùvant, ile pùrdot choûrd à Anlè, jùsse ou Trö des Nûtons à Cwî. Mês in bê djoû, les djins d'Anlè s'avint mètù må avù les nûtons, èt il avint anêwé leû trö. C'est l' flåwe kù dj' vous avo promètù dù v' raconter l' dêrin cöp.

Bin, dabörd, c'est dùl fwêre asteûre, la.

I gn avot in cöp, la des ans èt des razans, ou Walond Payis d'Ersè, in cinsî k'on loumot Baltazâr. Èt l' cinse k'il astot dsùs, ile sù houtchot: lù Molin Copine.

Lù cinsî Baltazâr avot ène pèclêye dù djönes à noûri, èt ène ovradje dù diâle az abate pou in gangnadje dù mizére. Il avot ddja ène grande bwêchèle, ki s' loumot Örèlîye, èt ki n'astot nin trop lêde à rwêtî, ma fwè. Pourtant, i gn avot nin co in djöne oume des viyadjes d'avårla k'avot yù sn intrêye pou vnù al chîje a leû mwåjon, èt djù v' va dîre poucwè.

;jjd)oostgvvvnn,

Örèlîye avot in ptit galant, nin pùs höt k'in chame à moude les vatches. I s' loumot Pîrnik; c'astot in nûton ki provnot d' Cwî.

Tous les djoûs à l'anùti, i vnot bouchî à l'ùch dùd mon les Baltazâr, èt il apwartot ène påme dù froumint coume bistoke à s' coumére. Lù pére Baltazâr alot mète lu påme bin précieûzmint al grègne, èt l' lonnmwin, al place dùl pitite påme, i rtrouvot in çant d' djavês d'avonne, û ène satchêye dù wadje, ûco in gros mèlê d' froumint, ûcobin in ptit tassê d' fûr dù pré.

Ça fwêt k' ça lî alot ddja brâmint mî. Èt i cmaçot tout doûsmint az awèr bin l' moyin. Il avot minme rachté ène tère dùrî Pré Stèr. Èt on l' wèyot tanawète ou cafè ki buvot l' pèket.

In cöp k'il a-n avot yène dù trop padrî l'orèye - sapinse k'on dit -, il è raconté à ses soçons d' söladje lu paskêye dou nûton Pîrnik ki vnot vèy su bwêchèle.

Ây mês ç' cöp la, dins les cés ki choûtint, i gn avot in djöne hêre dù Pwâtchresse k'årot toudi bin volù courtizer amon Baltazâr. Il è sté trouvù in vî cùré d' Davdisse, k'astot counù long èt lådje pask'il avot lù scret. Èt la, wê, lù toûr k'il on-st amwintchî assanne.

,pçèrkdomgij('èjh

Cirile, l'ome dù Pwâtchresse dabörd, avot ène seûr, Torine, k'alot keûde amon les djins. Lù lindi d' Påke, ile s'amonne ou Molin Copine pou vèy s'i gn avot nin des mousmints à rassercer û à ranawiyî, ûdon des tchåsses à rapîter. Tù sans bin k'avù ène nikêye dù djönes parèye, i gn è toudi ène banslêye dù misbas dù kchèrés, ki ratindat après ène mwin adrète. Atout rakeûdant, Torine amûzot les pùs djönes des roufions dùl cinse Baltazâr. Les clotches avint passé èt les scråyes des ûs d' Påkes astint co la dins ène pitite banslète. I gn a-n avot d' toutes les couleûrs. Torine les è fwêt arandjî à trwâs ronds dùvant l'asse dùl tchùmine. Après, ille è fwêt mète ène pitite cochète dins tchèke dùmi scafiote, a rcoumandant bin k'i lêchinche tout l'amwintchadje inla jùsk'ou lonnmwin. " Ça pwate bouneûr, lèzî è-t-ile dit. Dins nosse payis, c'est coume ça k'on fwêt dins toutes les mwåjons. "

goèsnvpeo=**"skg^

Cand c'est k' Pîrnik è moussé amon les Baltazâr çù nùte la, il è sté tout sbaré. Il è rwêtî l' tåvlê des dmi scråyes èt des cochètes, èt i s'è pèté à dîre:

" Dj'ê veû Bastogne plin bwès;

Èt il è ralé, tout ponneûs, coume in rnåd k'årot yù sté pris pa ène pouye. Mês dvant dù rclöre l'ùch, il è co dit:

"Z öz dùvnù ritche påme pa påme, douwö, cinsî Baltazâr;

a&²ioàk:mes^$ijj

Èt coume d'èfet:

Les rats ont abizé ou gùrnî èt il ont galoufé tous les grins.

I n'è nin arèté d' plûre tout l' mwès d' jun, èt i n'ont seû fwêre lù fnå.

Ou mwès d' jùlett, les scotons ont avoré s' les dênrêyes èt il ont scoté toutes les påmes, èt i n'ont pont yù d'awouss.

I gn è vnù ène minêye dù cocote èt toutes les vatches ont crèvé.

Toutes les pouyes ont atrapé l' pèpîye èt toûrner a rin.

Tous les couchès ont atrapé l' roudjet, èt il ont nn alé yink après l'öte.

Èyècö...

fdki_en=*je'(&;d

Si bin k' les djins d'Anlè s'ont volù rvindjî.

Mês ça, c'esst ène öte flåwe, kù djù v' contrê èn öte cöp.

mkzoéjç(èdhnbvzojrioppppj

^_ç_é=sl,v-&_'lkdfkkdsks

I

On l' savot ddja bin, k'" il " arivint. Les ptits yêrdîs avint chouflé l' nouvèle dù crestê a crestê, à pårtù doul Cråye-ås-Sörcîres. Çù k'i loumint l' Cråye-ås-Sörcîres, ç'astot ène fonde chavêye ki siêrvot d' borne à leû payis d' tiênes, cand on vnot doul Grande Plinne atout sîjant l'Êwe-dù-Låresse. " Zès ", ç'astot les södârds d'Aljer, avù deûs tanks à rûwes ‘Sùcorpion', tous nûs apwartés doul Tùrkîye. On savot co bin k'i n' vinint nin pou tchanter l' magnificât, èt kùl fossî årot d' l'ovradje al nùte, èt k'i gn årot des fames èt des afants ki chwâlrint.

" Mês poucwè k' ç'astot après nosse mwåjon k'il a-n avint?, k'ile s'avot rùdmandé co trâze cöp Itto Ukemmù? Nosse pére nù fjot nin avù les Bårbùs dou FIS, pourtant. Mågré k' ç'astot èn oume fwârt rùlidjeûs, il avot toudi dit kù l' Bon Diù n'avot jamwês dné al Djint lù dwat d' touwer ène öte djint a s' nom. "

Mês, pou dîre lù vrê ûsk'il est, leû pére tapot sùl dos des militêres d'Aljer, avù. Ces djins la avint dùtchacùmé l' payis. I n' les lèyint nin cåzer leû lingadje amazîr (lù " berbêre ", sapinse k'on dit avårci) èt scafiyî tous les poyùs, sins dmander ni cwè ni kesse.

Jùstùmint, lù pére da Itto, ç'ùnn' astot yink, la, lou, d' poyù. Il avot ène grande nwâre båbe kù t' n åros yù dit Jézùs-Cris. Cantt cöp k'on lî avot ddja consiyî doul razer! I nùl prètandot nin. Si on n'è minme pùs l' dwat dù wårder ses poy ûsk'on vùt, a-n alot-i, ostant rployî bagadje d'in plin cöp.

" Les södârds avint bouchî à l'ùch, jùsse coume pou dîre. Ca dvant k'on n'ûche oyù l' tins d' l'aler drouvù, l'öto-mitrayeûse sùbeûlot l' grande pwate avù lù ptit ùchlet, a les spiyant a mile bokets. Èt cate södârds abrokint dins l' coûr dùvintrinne. Nosse pére astot astampé ou fin mitan doul pavêye, dret coume èn î. Il astot avù s' tchaplet al mwin, ki djot ses priyîres. I rwêtot les djönes södârds dins les oûy. Cètci n'ont fwêt ni yène ni deûs. Les mitrayètes ont chlaké les cate assanne, dins in dèrö d' tous les diâles. Lù vî oume s'è aflachî djùs, nèyî dins ène basse dù sang. C'esst à ç' moumint la kù l' mwêsse-södârd esst arivé. Il è dmandé à nosse mére, a moustrant nosse pére: " Kîksè, ö, çùt la? " Nosse mére, coume sote dù vèy k'i l'avint touwé sins minme sawèr kîskù ç'astot å jùsse, è dâré al gwadje dou mwêsse-södârd, èt s' lî dgrèter toute lu figùre.

Nouzötes, les afants, dj'astins dins l' tchambe lérèce, avù nosse grand-mére. Mi, (dj'avo dîj ans adon), djù rwêto l' sinne pa ène bîlûre dù l'ùch. Djù wèyo k'i mwêstrîjint nosse mére, mês i n'avint nin l'êr doul volù touwer.

A in moumint nné, gn è yink des södârds k'è avizé l'ùch doul tchambe lérèce. Mi, dj'asto aclawêye dù peûr èt d'angouche. Nosse tchin astot alachî jùsse dùvant l'ùch; i s'è mètù à hoûler al mwârt. Lù södârd è tiré ène chlakêye dù bales a l'êr. Vou l' la ki va drouvù l'ùch! "

ih__à=^pellf)ppzéé

II

Itto Ukemmù s' rawaye, toute frèche dù tchöd, dins l' ptite mwåjon d' Djerbêfwè kù sn oume è rassonré coume in palijê. C'est l' cantrime cöp k'ile fwêt ç' tchöde marke la! Ille årè co chûrmint bwâlé in bon cöp a s' rawayant Mês, ile nùl sårot garanti. L'oume nù s'è nin rawayî, lou, toudi. I n' pörot nin valù, avù tous les catchets pou dwarmù k'i prind!

Èt pourtant, gn è vourmint yåk ki hoûle dins l' ptite raböre, ène sörte dù hangârd k'il ont padrî l' mwåjon. Ki hoûle û ki pîle, tù nùl såros ddja dîre å jùsse. Itto n'est nin trop chûre. Cand on è counù l' guêre dîj ans å long - èt ène guêre civile, co bin, lu pùs pîre dù toutes -, on n' sét adèrer d'oyù in brùt nin coume èn öte, sins a counùche lu provnance.

Vou l' la ki rassère ses tchvès avù ène sörte dù hålète, à möde dùd la-drî. Ile met ène vîye marone dù tirtinne, lu cé k'ile va ou bwès avù. (Sù plêji, c'est d'aler avù sn oume fwêre les pårts dù bwès, avù l' hatche, lù merlin, les cougnès èt l' tronçouneûse. Fåt l' vèy rùcèper les tronces, tcherdjî les gros rondins, rùfinde les chinètes èz aspougnî les grossès ùstîyes dù boukion. Coume èn oume. Èt co mî k' brâmint des oumes k'i gn è).

Itto s' rùmousse, di-dj', pîs ile met in gros cazavek dù trakeû - on esst ou mwès d' fèvrî, èt l' solê è loû sù l'åté doul tchandleûse! Ile poûje padzous l' lit èz apicî l' kalashnikov. Dùspûs k'ille è fwêt dou maquis avù ses fréres, ile nù s' sårot adwarmù sins s' " kala-boucha " - c'est coume ça k'ile loume sù fizik-mitrayeûse. Ène ‘kala-boucha', c'esst in pö coume in fal, mês brâmint pùs brouchîre èt adèrant. Vous l' plèz atèrer dins l' såvlon èt l' rùpasser kêr deûs mwès après, ille est co toudi prète à tirer. Èt v' trouvèz des pîces dù rtchindje coume vous vloz. C'est nin coume brâmint dz ötès ùstîyes militêres, kù v' plèz bin foute ou batch à nichtés in cöp k'ile son-st an rak.

Itto, avù s' ‘kala' dzous l' brès, dùdchint les montêyes sins fwêre dù brùt, mousse pal cåve, rùmonte lu ptite chåle ki dène sùl rayîre, passe pou courti èt, à bachète, coûrt jùsk'ou drî doul raböre.

Lù hoûladje - - -û l' pîladje anfin - nù s'è nin arèté. Mês ça n'è nin l'êr d'esse des voleûrs, û des cés ki vênrint à må, ca tanawête, on z öt in roumdoudoum, coume si ène biêsse randachrot dins les fagots èt les plantches ki sont dressîyes sùconte dou mèr.

Fèle coume in dzi, Itto droûve l'ùch doul raböre, èt lù rclöre sèyance tùnante. Lù pîladje s'arète comme par enchantement. Itto öt ène biêsse ki hane dins l' nwâreûr. Ille è pözé djùs l' ‘kala', èz apicî in cran d'aret. On n' sét jamwês, kù ç' srot in tchin aradjî. I gn è yåk d'ascwati padrî ène rîlêye dù pachons d' park. Ène biêsse pùs ptite k'in tchin, mês pùs grosse k'in tchet, avù deûs ptits vèrts oûy ki lùrtat dins l' nwâr. Itto prind l' torche, èt lùmer après. Keskù c'est bin d' ça pou yåk? Ça è ène grîje couleûr, toudi. Lu biêsse rùmoûwe. Ille è ène grande longûye cawe. Pour mi, c'esst in djöne dù rnåd, di-st-ile. C'est Flipe ki l'årè ramonné à l'anùti, èt l' mète dins l' raböre. I n' s'avint nin veû dvant d'aler coûtcher, paskù lou, il î va tout yeûre, dùvè les dîj eûres, avù les pouyes, coume on dit. Lîye, anùte al nùte, ille avot s' coûrs dù djiboting (c'est coume ça k'ile loumat l'ayérobik) avù les fames dù Libråmont. Pûs après, c'est toudi l'arafe: i fåt rpasser tchawter amon yène û amon l'öte. C'est coume ça k'ile n'è rarivé k' sùl cöp des onze eûres, onze eûres èt nmi.

Èt bin, di-st-ile, c'est co in bê cöp dé in lêd. Mi ki comptot dèdja k' ç'astot les södârds da Ben Marqa ki vnint kèrù après mi jùsk'avårci! Mês ile tûze: keskù Flipe vùt fwêre avù ça, hê, lou? In djöne dù rnåd, eskù c'esst aclèvîre, ça? Ile va jùsk'al cûjine èt prinde ène jate dù lacê èt in ptit bouket d' tchår. " C'est pou Ouchène, di-st-ile.

Ça n'avot nin trinné poul pitit rnåd yesse batijî!

èù$=ce"éù,nf<s_$ù:;vdè"*