[[Imådje:audje.jpg|thumb|96px|ådje: Èn åbe avou bén 70 ådjes (poirtrait saetchî pa L. Mahin).]] ådje [f.n.] 1. longueur do vicaedje dispu li djoû k' on-z a skepyî. C' esteut onk di mi ådje. Kéne ådje avoz ? Kéne ådje a ddja vosse båshele ? Po si ådje, il est co droet come èn î. Maria Deyi ! Vosse pere, kéne ådje k' i n' åreut nén asteure ! (G. Lucy). On n' fwait nén çoula a des pareyès ådjes (L. Hendschel). Vosse messaedje va esse evoyî a totes sôres di djins, k' ont totes sôres di tuzances, totes sôres di vicaedjes, totes les ådjes, ki fjhèt tos les mestîs... (L. Hendschel). F. âge (omrin). >> la ddja bele ådje: la ddja lontins. rl a: [[Motî:hapêye|hapêye]], [[Motî:tchoke|tchoke]], [[Motî:tchôde|tchôde]]. Franwal: ahåyant po: "voilà belle lurette". >> n' aveur pont d' ådje u n' aveur nole ådje: esse tot djonne u trop djonne po èn ovraedje. Dj' a fwait do bokion, dj' n' aveu pont d' ådje (L. Mahin). Il evoyént ls efants e beur k' i n' avént nole ådje. >> al fleur di l' ådje: co tot(e) djonne. Elle a morou al fene fleur di l' ådje. >> laide ådje: di 12 a 16 ans. rl a: [[Motî:laidådje|laidådje]]. >> aveur si ådje: aveur 18 ans et s' poleur miner come ene grande djin. F. être majeur. >> a plinne ådje u el foice di l' ådje: di 25 a 45 ans. F. à la force de l'âge, en pleine virilité. >> måle ådje u ritour d' ådje: po ene feme, li moumint k' ele ni si rvoet pus tos les moes, diviè 45 ans. rl a: [[Motî:målådje|målådje]]. F. ménopause. >> inte deus ådjes: di 45 a 55 ans F. à l'âge mûr. >> prinde di l' ådje: comincî a divni vî. >> esse d' ene certinne ådje: esse dedja vî. >> aveur ddja ene bele ådje u esse d' ådje: esse vî (viye). >> Moyene Ådje: rl a: [[Motî:Moyinådje|Moyinådje]]. >> foû d' ådje po: trop vî po. On n' est måy foû d' ådje po s' maryî. >> Avou l' tins, nos årans d' l' ådje: ervazî a môde di Lapalisse, po risponde a onk (ene) ki dit åk come: "avou l' tins, vos dvénroz bon !". 2. rond dins l' tronce d' èn åbe ki mostere si ådje. Èn åbe ki les ådjes ni tnèt pus, c' est on tourné. rl a: [[Motî:corone|corone]]. F. anneau de croissance. Disfondowes: âdje, adje, audje. Gm. âdje, Tch. audje, Pc. âje. Mots d' aplacaedje: * [[Motî:deus-ådjes|deus-ådjes]] * [[Motî:Moyinådje|Moyinådje]]