[[Imådje:aurdjint.jpg|thumb|94px|platea, bassén eyet cocmwår d' årdjint (poirtrait saetchî pa L. Mahin).]]
årdjint [o.n.]
1. rilujhant metå, k' on s' endè sieve po fé des pîces di manoye, des schieles, des ôrreyes, evnd. Ene tchinne d' årdjint, on rond-d'-ôr d' årdjint, on platea et ene caftire d' årdjint. Ça rglatixh come di l' årdjint. A Lidje, on-z esteut oblidjî di rçure diferinnès pîces d' ôr et d' årdjint del Bavire, del Bourgogne, di Cologne et co d' ôte påt (N. Lequarré). rl a: [[Motî:blanc|blanc]]. F. argent.
>> peme, pemî d' årdjint: sôre di melêye (pemî).
>> medaye d' årdjint: deujhinme plaece dins ene coûsse, ene bate esportive.
2. Elemint tchimike metålike di simbole atomike Ar. Ene poude di sulfate d' årdjint. rl a: [[Motî:vif-årdjint|vif-årdjint]].
3. di l' årdjint des cwårs. I vont lver d' l' årdjint po leu pordjet. Cwate aidants c' est on patår; L' årdjint est fwait po rôler; L' ci k' va-t a tchvå so ene ecnêye S' fwait pus nåjhi k' aroter (viye tchanson).
>> I fwait årdjint d' tot: i profite di totes les ocåzions po wangnî des liårds.
>> mariaedje d' årdjint, mariaedje di rén: cwand k' on mareye ene sakî po ses cwårs, ça n' deure nén.
>> l' årdjint fwait l' bea vizaedje: ene kimere, minme laide, trove a s' maryî s' elle a des cwårs.
>> èn ome di strin va cweri ene feme d' årdjint: dijhêye po on pôve ki va maryî ene ritche.
>> èn ome di strin våt ene feme d' årdjint: risponse al ratourneure di dvant, po les cis ki disfindèt on sfwait mariaejde; l' ome, minme sins cwårs, pout bén tni on manaedje, s' il est sûti et coraedjeus.
>> li ci k' a d' l' årdjint trove des parints: rl a: [[Motî:liårds|liårds]].
>> prinde po d' l' årdjint sounant: croere ene sacwè sins l' aveuri. F. prendre pour de l'argent comptant.
>> ça costêye di l' årdjint: ça våt tchir, ça costêye tchir. rl a: [[Motî:liård|liård]].
>> c' est l' årdjint ki fwait rire: rl a: [[Motî:liård|liård]]. Vos avoz veyou dvins l' råvlea Ki l' vû batch fwait grognî l' pourcea, Come l' årdjint fwait rire li beguene (Delarge).
>> l' årdjint rind franc les djins: li ci k' a des liårds n' a pus sogne di dire si idêye, cabén k' ele n' ahåye nén les gros.
>> èn ome sins årdjint, c' est on leu sins dint: on n' si sait disfinde el sôcieté cwand on est pôve.
>> l' årdjint d' putin va come li vint: ene putin furlêye ttossu rade les cwårs k' ele wangne.
>> li tins c' est d' l' årdjint: i n' fåt nén piede si tins.
>> il a bråmint d' l' årdjint u: bråmint des årdjints: il est ritche.
>> i rôle so l' ôr et l' årdjint: il est foû ritche. rl a: [[Motî:cwårs|cwårs]], [[Motî:çanse|çanse]], [[Motî:liård|liårds]].
>> gåy di håres et ledjî d' årdjint: dijhêye po onk ki s' mousse bén mins ki n' a waire di cwårs.
>> esse tcherdjî d' årdjint come on crapåd d' plomes: èn pont aveur di cwårs.
>> l' årdjint n' a nou mwaisse: on pout fé do comiece avou des djins k' on voet evi.
>> avou do tins et do strin et l' årdjint, les messes mawrixhèt:
a) (prôpmint) on code les messes co vetes, et les mete dins des caisses so do strin por zeles mawri;
b) (imådjreçmint) i fåt esse pacyint et sogneus po-z adiercî s' côp dins on pordjet, po reyussi ene sacwè.
>> El ci ki n' est nén contin, k' i rprinde si årdjint: dijhêye d' on vindeus po mostrer k' il est seur di s' martchandijhe.
>> Ri d' Årdjint: rew di Neuvile-dilé-Sogniye. rl a: [[Motî:Årdjintene 1|Årdjintene]].
| årdjinter ([[Codjowaedje boerler|codjowaedje]]) [v.c.] mete ene coûtche d' årdjint so (ene sacwè). årdjinter ene glaece, ene tchinne.
| årdjintaedje [o.n.] metaedje d' ene coûtche d' årdjint. F. argentation, argentage, argenture.
| årdjintreye [f.n.] totes les schieles d' årdjint. F. argenterie.
| årdjinteu,
årdjinteuse u
årdjintêyresse [o.n.] djin ki c' est s' mestî d' årdjinter.
| årdjinteure [f.n.] wårnixheure d' årdjint.
| årdjintî,
årdjintresse [o.f n.] grand årdjintî, grande årdjintresse: minisse des finances.
----
Pus di racsegnes sol pårteye eciclopedeye: [[årdjint]], [[årdjintaedje]]