çanse [f.n.] 1. (v.m.) ancyinne pîce di [[Motî:manoye|manoye]], d' on cinteme (cent), dizo ls Olandès, pu, pol minme valeur, di deus cintemes el dislaxheye Beldjike. >> trawêye çanse: pîce (di deus cintemes) avou on trô å mitan. Ås batemes, on tapéve co bén des trawêyès çanses ou des mastokes avou on ruban nouké åtoû. >> ene dimeye çanse: pîce d' on cinteme bedje. >> i n' mi rvént nén po ene çanse: dji nel voet nén voltî. Franwal: ahåyant po: "il m'est antipathique". >> i n' a nén po ene çanse di tiesse: i n' est nén [[Motî:sûti|sûti]]. >> i n' a nén ene çanse di coraedje: c' est on [[Motî:nawe|nawe]]. >> Il est al dierinne çanse: rl a: [[Motî:mastoke|mastoke]], [[Motî:patår|patår]]. >> esse sins ene çanse: n' aveur pupont d' [[Motî:cwårs|cwårs]]. >> côper ene çanse e deus: esse foirt riwaitant so les dispinses. >> Li ci ki paye a ene dimeye çanse près paye bén: i n' fåt nén fé payî ses pratikes å cinteme près. >> ene çanse, pårén ! ene çanse, mårene: criyaedje des efants ezès batemes. rl a: [[Motî:liård|liård]]. >> C' est come cénk çanses deus mastokes: c' est piron parey. rl a: [[Motî:mastoke|mastoke]]. 2. on cinteme d' euro. rl a: [[Motî:uroçanse|uroçanse]]. 3. des çanses: des cwårs. Les cis k' ont les çanses u l' povwer, i fåt pô d' tchoi po les djinner (V. Roba). F. de l'argent, du fric. >> wangnî des çanses: wangnî des cwårs. >> des çanses del boune sôre: di l' årdjint wangnî oniesmint. >> rimete les çanses: rinde les cwårs k' on-z a epronté. >> lever des çanses: trover des cwårs (si fé payî u epronter). >> boesse ås çanses: pitite boesse wice k' on meteut des cwårs dins ls eglijhes. F. tronc (d'église). rl a: [[Motî:liård|liård]], [[Motî:sô|sô]], [[Motî:cwår|cwår]], [[Motî:sikelin|sikelin]], [[Motî:picayon|picayons]], [[Motî:petsale|petsales]], [[Motî:patacon|patacon]], [[Motî:aidant|aidant]], [[Motî:patår|patår]]. rl a: [[Motî:Sint-Çanse|Sint-Çanse]]. Disfondowes: (on) çan, (on) çans', (on) cèn', (one) cène, (ene) çanse. Etimolodjeye: calcaedje riwalonijhî di l' olandès "cent", pîce d' on cinteme di florin do trevéns des Olandès, 1820; divnou femrin diviè 1890. | çansler ([[Codjowaedje shijhler|codjowaedje]]) I. [v.s.c.] [[Motî:payî|payî]]. Ci n' est nén l' tot d' atchter, i fåt çansler. II. [v.c.] trover des cwårs po; ecwårler. Fåt trover des aspoyeu ki çanselrént l' pordjet. rl a: [[Motî:ecwårler|ecwårler]], [[Motî:riçansler|riçansler]]. F. financer. Etimolodjeye: bodje "çanse" raptitixhante cawete di viebe -ler, 1920. | çanslaedje [o.n.] [[Motî:ecwårlaedje|ecwårlaedje]]. F. financement. | çansleu, çansleuse u çanselresse [o.f.n.] li ci (cene) ki çanslêye. F. bailleur de fonds. | çanslåve [addj.] ki pout esse çanslé, k' on pout trover des cwårs po, sins s' fé ploumer. F. finançable.