ône 1 [f.n.] ancyinne mezeure des stofes, ki valeut a pô près li longueur do bresse. L' ône di Lidje valeut 663 milimetes. Ki n' so dj' cint-z ônes e tere! (Simon li Scrinî). F. aune. >> mezurer les ôtes a si ône: djudjî les ôtes a l' asulon di ses prôpès creyances. | ôner [v.c.] mezurer a l' ône. Dji l' a trové k' ônéve ene pîce di toele. F. auner. | ônaedje [o.n.] 1. matchandijhe k' on vind tot-z ônant. Gn aveut, la håyné, del toele, des norets et totès sôres di martchandijhes d' ônaedje (H. Forir). F. en coupon. 2. mezeure k' on fwait a l' ouy. Fijhoz m' on boun ônaedje. F. mesure, dose, ration. >> botike d' ônaedje: botike ki vind del sitofe a l' ône. rl a: [[Motî:håynaedje|håynaedje]]. F. grossiste en tissu. Omonimeye: * [[Motî:ônea 2|ônea]] (o.n.; ônea)