Barbinçon [n.pl.] ancyin ptit ban del Walonreye, e F. Barbençon, rebané avou 6500 Biômont; limero diyalectolodjike: [Th 52]; vî limero del posse: 6571. Ortografeye walone oficire pol posse: Barbinçon. Sipotaedje des djins: les Cous d' tchôdron. Nos d' plaeces: Barbincignô (braibancinea). Istwere: Li no d' Barbinçon est cnoxhou dispu 869, dins on poliptike di l' abeye di Lobe. Li signeurreye di Barbinçon, avou les viyaedjes di Boussu, Erpiyon, Rinlî eyet Vergnî esteut ene des doze pwaireyes del Conteye di Hinnô, k' a dmoré dal famile Barbinçon disk' å 15inme sieke, pus après k' a stî al Måjhone di Legne, e F. Maison de Ligne. Li ban d' Barbinçon divna francès e 1697, après l' Påye di Nimegue, et l' dimaner e 1697, al Påye di Rijswijck k' eclawe li frontire inte France et les Bas-Payis espagnols, come tere francesse esserêye å mitan des Bas-Payis. Ci n' est k' e 1815 ki li Rwè Wiyåme di Olande fijha rmete l' esserêye tere dins les Bas-Payis Olandès, conte l' idêye des dmanants ki vlént dmorer Francès, mågré k' leu eglijhe rilvéve di l' evetchî d' Lidje. Industreyes: veulreye (disk' e 1800); saetchaedje et travayaedje di noer måbe (disk' a 1910). >> do cafè k' on voet Barbinçon o fond: do tene cafè, k' on pout vey li dessin d' on ptit viyaedje avou des wåmires, k' on dit k' c' est Barbinçon po balter. Disfondowes: Barbinçon, Barbinchon, Barbinzon. Etimolodjeye: vî cmon no braibançon (pitite fagne).

Pus di racsegnes sol pårteye eciclopedeye: Barbinçon