POLI  : lisse èt lûjant. Aus vîs-vîs tins, nos ratatayons, moussî avou dès pias d’ sauvadjès bièsses, ont tant faît uzâdje, tot au long d’ razans èt d’ razans, d’ polîyès pîres, k’ on a fini pa batîjî cès milènêres là d’ « âdje dèl polîye pîre ». POLI (ièsse) : èsse poli, civil, conèxhe lès bons uzâdjes dins l’ soce, avou lès ôtes. UZÂDJE : acostumance d’ ûzance UZÂDJES (les) : acostumances di bon vikâdje èteûre les djins. UZÂDJE (môde d’) : èsplikaedje do comént s’ bén sièrvu d’ ène sakwè. Po lès ostis èt lès èlètrikès indjoles, on s’ a acostumé à trover dins l’ bwèsse on papî ki s’ vout vo z-è bén instrûre. UZÂDJE (l’ bon) : lès civilités. Cit èsplikaedje do comént vos bén tinu dins l’ vikâdje di tos lès djoûs, c’ èst dins dès lîves ki vos l’ polèz co trover, si vosse moman èt l’ pitite sicole n’ ont nén arivé à vos l’ bén sititchî è vosse tièsse, pask’ i n’ èstéve nén, fauréve valu, come rawète à vosse bêrce. Ddins on aprind totès dès pititès sakwès, bén plêjhantes kwand èles rèxhenut do keûr. Come : ki faut bén dîre bondjoû, léver s’ tchapîa èt xhoûrbu sès pîds à l’ intrêye, ratinde d’ ièsse priyî po mète sès pîds dzo l’ tauve, dîre ki l’ amougnî èst bon, minme s’ i n’ èst nén à vosse gosse, mèrci po l’ chike, li dringuèle o l’ sièrvice èt arvoye sins, dissus l’ soû, co briber on bètche à picètes. CIVIL (ièsse) : èsse poli, conèxhe lès bons uzâdjes dins l’ vikêrîye di tos lès djoûs. Come sawè bén sicrîre ène lète dispû l’ èdaume djusk’ au complimint d’ cloyûre. Avou l’ uzâdjes dès informatikès pratikes d’ èvoyâdjes d’ Elètes, ça tind à disparète. Parètréve ki ça prind trop d’ tins, k’ on è nn’ a trop d’ pau, è nn’don. Minme k’ on n’ arive pu à s’ rinde conte k’ on èst maû èlevé, maû-onteûs. MAÛ-ONTEUS : mau-poli, nén-civil,