{{Wiccionaire-motî|adjete}}
adjete [addj., purade padvant]
1. ki va rade et ledjirmint; ki court åjheymint evoye. Tos les escarmoteus sont foirt adjetes ([[Motî da Forir]]). Li mårticot, li tchet, c' est des biesses estrinmmint adjetes ([[Motî da Forir]]). Tot rnetiant li ståve da Noerete Tot lyi rfijhant s' payaesse si strin Il esteut toplin pus adjete K' i n' l' aveut stî ls ôtes åmaténs ([[L. Lagauche]]). Ele sont-st adjetes come des colowes, les åbalowes ([[N. Maréchal]]). Tot d' on côp, li rwè-pexheu plonke el claire aiwe; il est foirt adjete; li pexhon s' kitape resseré comifåt e triviè do betch ([[L. Demarche]]). Loukîz a : [[Motî:abeye 2|abeye 2]], [[Motî:subtil|subtil]], [[Motî:aflûtiant|aflûtiant]]. F. "agile, subtil, empressé, leste".
2. [[Motî:adroet|adroet]], k' [[Motî:adiercî|adierceye]] åjheymint s' côp. Il est si adjete qu' il acsût çu k' i vout do prumî côp. F. "adroit, habile"..
| adjetmint [adv.] d' ene adjete manire. I potche adjetmint ([[Motî da Forir]]). Sol bascule di siervice, ele monte foirt adjetmint ([[M. David]]). Loukîz a : [[Motî:adroetmint|adroetmint]], [[Motî:abeymint|abeymint]], [[Motî:raddimint|raddimint]], [[Motî:subtilmint|subtilmint]]. F. "lestement, prestement, habilement, adroitement, agilement, subtilement".
| adjetijhe [f.n.] cwålité do ci, del cene, del biesse k' est adjete. On dit eto [[Motî:subtilité|subtilité]]. F. "habileté, adresse, dextérité, agilité, subtilité".
== Etimolodjeye et tcherpetaedje==
[[acmaxhaedje]] di "adroet" (prononcî "''adrèt΄''" a Lidje) [[[FEW]] '''3.''' 62b (''dexter'', [[Motî:droet|droet]]), ([[J. Lechanteur]]).] avou "[[Motî:adiercî|adiercî]]" (prononcî "''adjercî''" a Lidje). [[[Motî da Haust]].]
== Sicrijhas ezès motîs ==
;adjete : adjète [E21, E212b], adjèt΄ [E1, E34], ajett [E203], ajette [E212], nén dins E213.
;adjetmint : adjètemint adv adv adjètemint [E1, E34]; adjèt'mint [E21].
;adjetijhe : adjètîhe [E212b], ajetixhe [E212]. [Loukîz al [[Djivêye des motîs]].]
== Sipårdaedje do mot e 20inme sieke ==
Coinrece [[payis d' Lidje (diyalectolodjeye)|payis d' Lidje]].
== Sourdants & pî-notes ==
[[Categoreye:Motî]]