{{Wiccionaire-motî|ahiver}}
<FONT COLOR="#ff0000"><B>ahiver</B></FONT> [v.c.] 

<B>1.</B> fé [[Motî:crexhe|crexhe]], planter, cultiver. <I>Il ahivèt del moståde.</I> <I>Il ahivèt des dinrêyes so les tienes.</I> <I>Nowè esteut-st on cultiveu, on tcherweu; c' est lu k' a-st ahivé li vegne, k' end a rascodou les roejhéns, k' els a stoirdou et les fé carmoujhî po fé do vén</I> (L.&nbsp;Mahin). 

<B>2.</B> [[Motî:amonter|amonter]], [[Motî:mete so pî|mete so pî]]. <I>C' est lu k' a-st ahivé ci ptite cinse la, tot seu avou s'&nbsp;feme.</I> <I>E 1887, on rmeta eshonne les hamteas tot-z ahivant li comene di Bévurcé.</I> <I>Dins "Å raploû-tot des walons", Lorint Hendschel mostra comint, podbon, on pleut-z ahiver on diccionaire di tot l' walon</I>. <I>C' esteut tins di m' prumî voyaedje e Rwanda, e 1988-89, ki dj' a-st ahivé les pexhreyes di Mwengo</I> (L.&nbsp;Mahin) rl a: [[Motî:enonder|enonder]], [[Motî:escoûssi|escoûssi]]. <span lang=fr>F.&nbsp;fonder, construire, édifier.</span> 

<B>3.</B> fé [[Motî:skepyî|skepyî]] ene sacwè ki n' egzistéve nén. <I>Dj' ahivans des moxhons sins êyes et des fleurs ki pouwèt l' solea</I> ([[G. Smal]]). <span lang=fr>F.&nbsp;inventer, imaginer, créer.</span> 

<B>II.</B> <FONT COLOR="#ff0000">s'&nbsp;ahiver</FONT> [v.pr.c.] 

<B>1.</B> parvini a awè (on bén) pitchote a midjote. <I>A foice di spårgnî, i s' a ahivé ene pitite cinse dinq on viyaedje so Smwès</I> (G.&nbsp;Lucy). <span lang=fr>F.&nbsp;se construire, se bâtir.</span> 

<B>2.</B> [v.pr.s.c.] bén crexhe et divni [[Motî:stocaesse|stocaesse]], tot cåzant d' ene plante. <I>Mes celeris n' sont nén co ahivés assez po les polou rpiker.</I> <I>Leyîz les s' ahiver cor ene ûtinne di djoûs divant d' fé vos pairs</I> (A.&nbsp;Lurquin). <span lang=fr>F.&nbsp;lever, se fortifier.</span> 

Disfondowes: <span lang=wa-feller>ahîver, ayîvè, ayîver, a.îver</span>. 
Coinrece payis d'&nbsp;Lidje, di Nameur, di Dinant. 

Etimolodjeye: bodje tîxhon <span lang=de>heffen</span> (lever), betchete a- (fé lver). 

| <FONT COLOR="#ff0000"><B>ahivaedje</B></FONT> [o.n.] no d' fijhaedje et no di çou k' est fwait (accion et si rzultat) pol viebe "ahiver" u "s' ahiver", inte di zels: 
<I>a)</I> cultivaedje. <I>On n' tuze nén ki l' ahivaedje di coca, di hachich et d' pavwer fwait viker, al boune, dipus di 50 miyons d' djins, sovint des ptits cultiveus dins les pus pôvès coines des pus pôves payis</I> (L.&nbsp;Mahin). <span lang=fr>F.&nbsp;culture, plantation.</span> 
<I>b)</I> bon crexhaedje (d' ene plante). <span lang=fr>F.&nbsp;bonne pousse, bonne levée, bonne croissance, bon développement.</span> 
<I>c)</I> cominçmint, demaraedje. <I>C' esteut å moumint d' l' ahivaedje del societé.</I> rl a: [[Motî:kiminçmint|kiminçmint]], [[Motî:sikepiaedje|sikepiaedje]], [[Motî:enondaedje|enondaedje]]. <span lang=fr>F.&nbsp;création, fondation, premiers balbutiements, construction.</span> 

| <FONT COLOR="#ff0000"><B>ahiveu</B></FONT>, 
<FONT COLOR="#ff0000"><B>ahiveuse</B></FONT> u 
<FONT COLOR="#ff0000"><B>ahivresse</B></FONT> [o.f.n.] li ci(ne) k' ahive ene sacwè. <span lang=fr>F.&nbsp;cultivateur, planteur, producteur (agricole); créateur, fondateur, constructeur.</span> <I>Kî çk' esteut dins les ahiveus del "Rantoele"&nbsp;?</I> rl a: [[Motî:askepieu|askepieu]], [[Motî:enondeu|enondeu]].