aiwe

I. [f.n.]

1. likide k' i gn a l' pus sol daegn, ki totes les vicantès sacwè ont dandjî, ki si essegne tchimike est H2O. rl a: yô. >> avni a ses aiwes: ariver la k' on vout-st ariver. Louke, dji t' va acsegnî l' piceure po-z ariver a tes aiwes (A. Maquet). F. atteindre son objectif, son but. >> esse tot èn ene aiwe: esse sonkenaiwe. >> ça a tcheyou a l' aiwe: c' est rovyî, abandné. On dit eto: so flote.

2. ru, rivire, mouze. F. cours d'eau.

3. basse, aiwe ki n' court nén. F. point d'eau. >> c' est todi l' aiwe ki doime ki neye: a) i fwait pus riskeus d' aler åtoû des basses ki des corantès aiwes. b) les djins ki s' dijhnut rén sont cobén les pus toursiveus. F. Méfiez-vous des eaux dormantes. >> Grande Aiwe: Oceyan. On dit eto: Grande Basse. F. Océan.

II. les aiwes [f.n.t.pl.]

1. grossès aiwes. Gn a des plaeces dilé Han k' ont yeu les aiwes deus ans en erote. F. inondation.

2. (radoucixhant mot) xhlé. >> låtchî les aiwes: aler al raiwire (pixhî). >> rodjès aiwes: maladeye la k' les djins, les biesses pixhèt rodje. F. hématurie.

Disfondowes: êwe, éwe, ëwe, euwe; Gm. âwe.

| aiwî [o.n.]

1. fontinne, cråne, sourd d' aiwe. F. point d' eau.

2. saiwoe. Dji tuze d' astampêye astok di l' aiwî ki dji rneteye mes canadas ddins (Emile Gilliard). F. évier.

Disfondowes: êwî, euwî.

Etimolodjeye: cawete -î.

| aiwiaesse [addj., purade padvant] avou bråmint do djus, mins sins waire di sawoura, tot djåzant d' on frût.

Disfondowes: êwièsse, êwiasse, âwiyasse.

Etimolodjeye: cawete -aesse, ristitchî Y.

Parintêye :

• raiwî
• dizaiwî
• saiwî
• Aiwêye

Mots d' aplacaedje :

• No d' aiwes lomêyes aplakêyes e walon do 20inme sieke.
  • Aiwe-di-Lesse
  • Aiwe-d'-Oûte
  • Aiwe-di-Lome
  • Aiwe-d-Eure
• Ôtes mots d' aplacaedje.
  • sonkenaiwe.
  • deus-aiwes

• Dipus d' racsegnes so aiwe (H2O).
• Dipus d' racsegnes so les corantès aiwes.
• Dipus d' racsegnes so les aiwes del Walonreye.