asblawi ([[Codjowaedje fini|codjowaedje]]) I. [v.c.] 1. rinde [[Motî:aveule|aveule]], tot djåzant d' ene foite loumire. Li solo m' asblawit. I s' amuze a asblawi les djins avou l' solea dins on muroe. Tot d' on côp, on fourit asblawis pa ene grosse toitche. On dit eto: [[Motî:abåbli|a(s)båbli]], [[Motî:siblawi|siblawi]], [[Motî:blawi|blawi]]; Loukîz a: [[Motî:sdôrner|sdôrner]], [[Motî:brouyî|broûyî]]. F. éblouir, aveugler. >> asblawi avou des foitès loumires: (imådjreçmint) mostrer a tertos ene sakî, on payis. Les petaedjes di bombes do 16 di may 2003 ont asblawi l' Marok avou les foitès loumires di l' actouwalité eternåcionåle ([[L. Mahin]]). F. mettre sous les feus de la rampe, sous les projecteurs. 2. (imådjreçmint) fé po vanter, po mete e valeur. I pinséve m' asblawi avou tos ses flaflas. Il esteut cråndimint asblawi pås idêyes recsisses. Li tåve esteut covrowe d’ ene mape, blanke come l’ ivier, et gn aveut des fenès pôrçulinnes a vs asblawi ([[Andersen]], ratourné pa [[L. Hendschel]]). Loukîz a: [[Motî:atourner|atourner]], [[Motî:emacraler|emacraler]]. F. éblouir, impressionner, fasciner, séduire. 3. [[Motî:adawyî|adawyî]]. I s' a leyî asblawi pa ene feme ki n' valeut nén tripete. On dit eto: [[Motî:andoûler|andoûler]], [[Motî:amidjoler|amidjoler]]. F. séduire, tenter, aveugler. 4. [[Motî:emantchî|emantchî]] (rôler). I saye di nos asblawi avou tos ses ramaedjes. Ele l' a asblawi avou ses bounimints. Loukîz al [[sinonimeye]]. F. tromper, duper, embobiner, leurrer. II. s' asblawi [v.pr.] [[Motî:riglati|riglati]]. Les nedjeus sont come des rozlants cachets Ki s' cotapnut dins l' aiwe ki rmouwe Et mete dins Djåce ki s' asblawit Les rôzès taetches di leus coirs nets ([[P. Moureau]]). Al difén, gn aveut s' vizaedje ki s' asblawixheut come dandjreus Archimede li djoû k' il aveut trové si mwaisse-lwè ([[L. Mahin]]). F. briller, étinceler, s'illuminer. Disfondowes: asblawi, asblëwi, asbleuwi, asbluwi, asblèwi, asblauwi, asblâwî, asblâwi, èsblawi, èzblawi, èsblâwi, èsblouwi, èzblouwi, ablëwi. Etimolodjeye: viebe del 4inme troke fwait sol bodje [[Motî:blåwe|blåwe]], [[dobe betchete as-]]. | asblawi, asblaweye [addj. purade padvant] 1. andoûlé (-êye). Nos estans asblawis pa tot çou k' est scrît, come estant "mî" k' ene sacwè ki n' est "ki" dit ([[L. Hendschel]]). Zabete, leye, ele li dveut co vey voltî, asblaweye k' elle esteut dispu estant tote djonnete ([[J. Schoovaerts]]). Li skiron, tot asblawi Ni saveut pus k' lyi dire merci ([[P. Lassence]]). F. ébloui, admiratif, enthousiasmé, impressionné, fasciné, séduit. 2. [[Motî:sitåmusse|sitåmusse]], sins rén poleur dire. Dji dmoréve la, eclawé, asblawi, avou m' boke å lådje, e sayant d' ramexhner les sovnances eyet les istweres racontêyes dissu l' Turkeye ([[L. Hendschel]]). Mi, s' on poleut fé des siermints, dji raetchreu mi åme, la, divant vos, po vos assurer ki dji so vraiymint asblawi des belès imådjes: kés beas poitraits di l' Argayon et di s' famile! ([[M. Renard]]). Pus tård, dj' a discovrou (fén asblawi, èn ome !) totes les ritchesses do vocabulaire et des belès letes di totavå l' Walonreye ([[L. Mahin]]). F. ahuri, stupéfait, interloqué, émerveillé. | asblawixhaedje [o.n.] no d' fijhaedje et no di çou k' est fwait (accion eyet si adierça) pol viebe "asblawi". Dj' a yeu èn asblawixhaedje. Mi, dj' aveu yeu come èn asblawixhaedje, puski, deus moes dvant l' peupe-sipata do Rwanda, dj' aveu adjinçné on raploû so les parfondès cåze del margaye Toutsis-Houtous ([[L. Mahin]]). F. éblouissement, aveuglement, tromperie, séduction, duperie, étourdissement, vertige, illumination. Disfondowes: asblawichèdje, asblëwichadje, èsblawihèdje, èsblâwihèdje. | asblawixhmint [o.n.] asblawixhaedje. Il a des asblawixhmints, i fåt k' i waite a lu. F. éblouissement, vertige. Disfondowes: asblawich'mint, asblëwich'mint, asbluwich'mint, asblauwich'mint, èsblawihy'mint. | asblawixhant, asblawixhante [addj., purade padvant] k' asblawixh. A ç' moumint la, Moyisse a veu ene asblawixhante loumire ki vneut do cir. F. éblouissant, éclatant. Disfondowes: asblawichant, asblëwichant, èsblawihant, èsblâwihant. | asblawixheu, asblawixheuse u asblawixhresse [o.f.n. & addj., purade padvant] onk, ene k' asblawixh les ôtes. Ça l' ahåye, leye, di toupiner åtoû d' l' asblawixheu mayeur ([[J. Boitte]]). F. envoûteur, séducteur, star.