aschoûter I. [v.c.] schoûter: 1. pruster oraye a çou k' ene sakî dit. Dji vos vou berdeler et n' nén vos aschoûter ([http://lucyin.walon.org/tchanson/tchans-julos.html#djowbok J. Beaucarne]). Les djins di ç' costé ci, i les fåt aschoûter: des côps c' est co bén vraiy, des côps, c' est des mintreyes. (J. Beaucarne). Taijhoz vos. Nos n' avans waire di tins. Aschoûtez mu ! ([http://rifondou.walon.org/hendschel-anuti.html L. Hendschel]). O ! aschoûte bén: "si ti vleus, séss, T' pôreus bén esse ttossu crås k' mi, respond i l' tchén ([http://lucyin.walon.org/livreye/bernus.html#baudet L. Bernus]). F. écouter. 2. obeyi. C' est on chef k' est bén aschouté. I fåt aschoûter ses parints. F. obéir. 3. aprotchî po schoûter Aschoûtez çki dj' vos va dire. 4. schoûter avou ene aschoûtrece. Vloz aschoûter l' cour et m' dire çou ki vs oyoz ? F. ausculter. II. [v.s.c.] schoûter (ratinde). F. attendre. >> Li plouve aschoute: ele ratind divant d' rataker. Disfondowes: ascouter, ascoûter, aschoûter. Etimolodjeye: latén auscultare. | aschoûte [f.n.] 1. cwålité do ci k' aschoûte bén. C' est èn efant ki n'a pont d' aschoûte. Totes foû d' zeles, sins pus d' aschoûte, ele vont vey après leu pere ([http://lucyin.walon.org/livreye/tinme_cwarmea.html#size V. Carpentier]). F. obéissance. >> n' awè nén pus d' aschoûte k' on djonne di tchén, k' on moulet: èn nén saveur schoûter. 2. termene k' on-z est k' aschoûte. Il est a l' aschoûte. F. écoute. 3. djin k' aschoûtèt. F. auditoire, audience. >> awè d' l' aschoûte: awè des djins ki vs aschoûtèt. Franwal: ahåyant po: être influent. C' est-on ome k' a d' l' aschoûte. Disfondowes: ascoute, ascoûte, ècoute (achoûte, ahoûte). | aschoûtaedje [o.n.] accion d' aschoûter, si rzultat, copurade: a) schoûtaedje avou l' oraye. Dji n' a måy admetou l' aschoûtaedje ås ouxh. F. écoute. b) schoûtaedje avou l' aschoûtrece. C' est on cour ki shofele a l' aschoûtaedje. F. auscultation. Disfondowes: ascoutâdje, ascoûtadje, (achoutadje, ahoûtèdje). | aschoûtoe [o.n.] 1. pitite usteye po-z aschoûter k' on si stike e l' oraye. Il aveut les aschoûtoes del wåcman e ses orayes; comint årîz vlou k' il åreut oyou ene sacwè ? F. écouteur. 2. (po rire) oraye. I nos ont siervou on plat d' ascoûtoes et d' pesteloes (des orayes et des pîs d' pourcea). rl a: [[Motî:schoûtoe|schoûtoe]]. Disfondowes: ascoutoû, ascoûtwè, (achoûtwè, achoûtoû, ahoûteu). | aschoûteu, aschoûteuse u aschoûtresse [o.f.n.] li ci (cene) k' aschoûte, copurade: a) po waitî d' sawè ene sacwè k' on n' lyi vout nén dire. Cåzez pus bas, i gn a kécfeye des aschoûteus; Franwal: ahåyant po: oreille indiscrète. b) li ci (cene) k' aschoûte ene sitåcion d' radio. rl a: [[Motî:schoûteu|schoûteu]]. F. auditeur. | aschoûtrece [f.n.] usteye do docteur, di l' årtisse, k' il aschoûte avou li cour, les peumons, et pa des côps l' vinte. Cwand k' on n' aveut pont d' aschoûtrece, on meteut si oraye sol goidje do malåde,... u del malåde ([http://lucyin.walon.org/lv/ras.html Rasgoutadje]). F. stéthoscope. Disfondowes: ascouteu, ascoûteu, (achoûteu, ahoûteu). Coinreces walon do Coûtchant.