{{Wiccionaire-motî|askepyî}}
askepyî ([[Codjowaedje tcheryî|codjowaedje]]) [v.c.]
1. fé [[Motî:skepyî|skepyî]] (ene sacwè d' noû). C' est lu k' a-st askepyî tant d' noûmots e walon ? Les rediveus Tamouls volèt askepyî èn estat da leur, dislaxhî do Sri Lanka. Li Chwès est ene rivuwe e walon askepieye e 1995. Li comunisse, c' est ene ideyolodjeye askepieye pa Karl Marx. Zôrbrôd est on viyaedje askepyî pa Djihan Sourbrod e 1534. Li betchete "ri-" askepeye on novea viebe avou on sinse bén da sinne, come avou netyî / rinetyî. rl a: [[Motî:mete so pî|mete so pî]], [[Motî:adjinçner|adjinçner]], [[Motî:amonter|amonter]]. F. créer, fonder, établir.
2. (rilidjon) fé skepyî (les djins, les biesses, li daegn, tot djåzant do Bon Diu). Cwand Nungu (li Bon Diu) a yeu askepyî li solea et nosse bele, il les pinda e cir (conte congolès, ramexhné pa G. Lucy). F. créer.
Etimolodjeye: viebe "skepyî", betchete [[Motî:a- 5|a- 5]] (fé skepyî), avou assaetchance do flamind "scheppen" (minme etimolodjeye ki "sikepyî", minme sinse k' "askepyî"), 1995.
| askepiaedje [o.n.] no d' fijhaedje et no di çou k' est fwait (accion eyet si adierça) pol viebe "askepyî". L' askepiaedje di pîces di teyåte pår e walon ni date nén d' ayir. Et portant li djonne riwè, Mohamed VI, lezî a dné ene rude bistoke: l' askepiaedje d' èn Institut pol Tuzance Amazire (L. Mahin). F. création, formation, fondation.
| askepieu,
askepieuse u
askepeyresse [o.f.n.] li ci (cene) k' askepeye ene sacwè. Paris a dit arvey a Yves Saint-Laurent, onk des pus grands askepieus di novelès môdes po les femes. rl a: [[Motî:meteu so pî|meteu so pî]], [[Motî:adjinçneu|adjinçneu]], [[Motî:amonteu|amonteu]]. F. créateur (trice), fondateur. rl a: [[Motî:Grand Askepieu|Grand Askepieu]].
>> mimbe askepieu: onk des cis k' ont-st askepyî ene soce. F. membre fondateur.
{| CELLSPACING=0 BORDER=0 CELLPADDING=4 ALIGN="CENTER"
|-
| VALIGN="TOP" ALIGN="CENTER"|[[Imådje:askepiaedje.jpg]]
| VALIGN="TOP" ALIGN="CENTER"|[[Imådje:askepieu.jpg]]
Uzaedjes des mots "askepiaedje" et "askepieu"
|}