aspiter [v.s.c.] 1. sipiter aviè l' ci ki djåze, tot djåzant d' ene aiwe. L' aiwe m' aspita å vizaedje. Ses ouys serés, il oyeut l' crînaedje del pompe et l' aiwe k' aspitéve dins les saeyeas d' blanc fier ([http://rifondou.walon.org/dumont_mignolet.html J.P. Dumont]). F. jaillir. 2. ariver tot d' on côp. Des cints et des cints tiesses aspitît ås finiesses. Il a aspité chal come on côp d' aloumire. Aspite ene nouwêye di coirbås, Et come si ene sakî lzî derixhe Ki por zels l' eurêye est la presse Vo les la plonkés, tot breyant, Å mitan do tcherwé ki foume (H. Simon). Gn a des gros spès nouwaedjes k' aspitèt did låvå, Tot berôlant s' n' on l' ôte, etot maxhurant l' cir ([http://rifondou.walon.org/powezeye_redjaurb.html#baudelaire Baudelaire, redjårbé pa L. Mahin]). Gn a des Comissions d' Cossultåcion k' arindjèt les bidons cwand k' gn a des arokes k' aspitèt inte les parints et li scole ([http://lucyin.walon.org/livreye/ilorint.html#droles Y. Lorint]). Tossint vént raviker nos mehins... et, avou leye, c' est todi djourmåy li minme paket d' imådjes ki m' aspite ås ouys ([http://lucyin.walon.org/livreye/tinme_tossint.html#thomsin P.H. Thomsin]). Portant, les djonnes ont sovint dandjî d' ene fråze walone tipike, po ratourner des mots francès d' asteure k aspitèt dins leus tiesses ([http://lucyin.walon.org/diccionairaedje/franwal_on_line.html#bili L. Mahin]). F. surgir, apparaître brusquement. rl a: [[Motî:aflûtchî|aflûtchî]], [[Motî:adårer|adårer]], [[Motî:adramter|adramter]]. 3. si spåde tot d' on côp, tot cåzant d' ene novele. E moes d' decimbe 1997, li novele a aspité so l' Etrernete et divins les medias, ki Bon-papa John aléve rinaivyî e cir, po fé des sayes di medcene so l' aviyixhaedje ([http://rifondou.walon.org/cirnaiviaedje.html#glenn L. Mahin]). Franwal: ahåyant po: faire l'effet d'une bombe. 4. acori tot d' on côp. rl a: [[Motî:aflûtchî|aflûtchî]], [[Motî:adårer|adårer]], [[Motî:adramter|adramter]], [[Motî:abroker|abroker]]. F. accourir, surgir. 5. kimincî a esse veyowe, tot djåzant d' ene sipite di feu, d' ene sitoele. Ene après l' ôte, les stoeles aspitént å cir. F. surgir, apparaître. Disfondowes: aspiter, aspitè.