{{Wiccionaire-motî|axhele}}
axhele [f.n.] plaece do coir metowe ådzo des bresses. F. aisselle..
Etimolodjeye: latén axilla (minme sinse).
| axhlêye 1 [f.n.]
1. tchedje poirtêye dizo l' bresse. Elle a rarivé do djårdén avou deus axhlêyes di raecenes. rl a: [[Motî:schonêye|schonêye]], [[Motî:schorseye|schorseye]]. F. brassée..
2. (pa stindaedje) tchedje (poirtêye d' ene ôte manire, u tcherieye). I rivnént avou ene axhlêye di bwès sol begnon. F. charge.
3. [[Motî:dobleure|dobleure]] k' on dene ås efants, tot les prindant dzo s' bresse, et lzî fotant so leus [[Motî:brodî|brodî]]s. F. raclée, correction..
4. gueuyaedje d' on [[Motî:dizeutrin|dzeutrin]], ki vos lyi avoz djouwé on toû, paski voz avoz fwait ene biestreye, evnd. Dj' avéns clawé si djate di blanc fier apès l' tåve; nos esténs la stampés et ratinde l' axhlêye ([[H. Matterne]]). F. engueulade, réprimande.
5. [[Motî:kénte|kénte]]. Nozôtes, les djonneas, nos nos racrapotént po n' nén rire a l' axhlêye ki mononke Miyin vneut d' djouwer a nosse pa ([[P. Maudoux]]). F. farce, blague.
Etimolodjeye: bodje "axhele", [[cawete -êye|cawete di valixhance -êye]] (çou k' gn a dzo l' axhele).
| axhelrece
1. [addj.] (mot d' docteur) metou a l' axhele, tot djåzant d' on boket do coir. Les glandes axhelreces; les voennes axhelreces. C' est l' artere axhelrece k' est tinkieye si vos doirmoz so vosse bresse, et vos vs rewoeyîz avou l' bresse ki doime. F. axillaire.
2. [f.n.] glande linfatike metowe a l' axhele. Dins l' maladeye des gretes di tchet, gn a les axhelreces ki sont houzêyes: c' est l' prumî sene. F. ganglion axillaire.
Etimolodjeye: bodje "axhele", [[cawete -rece]], 1998.
Parintêye:
* [[Motî:axhlete|axhlete]]
* [[Motî:axhler|axhler, axhlêye 2, axhlåve]]
[[Categoreye:Motî]]