båker [v.s.c.] 1. riwaitî çou k' on n' divreut nén, tot dmorant catchî. Ele vinént båker padrî l' finiesse. Il a vnou båker pal craeye di l' ouxh ([[F. Twiesselmann]]). F. épier, guetter, regarder à la dérobée. rl a: abåker. >> båker a l' ronde: riwaitî di totåtoû. 2. riwaitî avou des grands ouys, come des [[Motî:båyåds|båyåds]]. Les cis d' Årvaye, adjokés so les rotches, båként la, tot droles, après l' prumî trin k' a passé a Pwès ([[P.J. Dosimont]]). On dit eto: [[Motî:bignî|bignî]], [[Motî:lurter|lurter]], riloukî, guignî >> båker ås ålouwetes: [[Motî:tuziner|tuziner]], sins rén fé. F. bayer aux corneilles, rêvasser. 3. riwaitî raddimint des sacwès k' on n' divreut nén vey. Si plaijhi, c' est d' aler båker amon les djins, po vey çou k' il ont e leus måjhons. F. jeter un coup d’oeil, espionner. 4. passer l' tiesse dins on trô po rwaitî. I vleut bén båker pal finiesse do batea. rl a: båkea, båcnire. Disfondowes: bauker, baukè, beuker, bâker, bâki, Gm. & Tch. bauquer. Coinrece [[Årdene]] & [[Bote di Djivet]]. Etimolodjeye: latén batare ([[Motî:båyî |båyî]], esse å lådje); miersipepieuzmint splitchî e [[Motî etimolodjike da Von Wartburg|FEW]] 1. 284b. [[Imådje:loukete.jpg|framed|right|båkete di poite di gregne]] | båkete [f.n.] 1. [[Motî:bawete|bawete]], pitite finiesse po-z î loukî dins en ouxh, on meur. Dj' a veyou pal båkete ki vos nd alîz ([[Motî da Forir|H. Forir]]). Å matén, l' Ârdinwès aléve riwaiter pal båkete di l' ouxh del gregne po vey s' i freut bea udon k' i ploureut (rat. pa ([[L. Mahin]]). On dit eto: [[Motî:loukete|loukete]], [[Motî:potale|potale]]. F. chatière, lucarne, vasistas. Disfondowes: baukète, beucate, beukète. Pc. bokète. 2. pitit trô dins l' ouxh d' intrêye, po vey les djins ki vnèt toker. F. oeil-de-boeuf. 3. ronde finiesse d' avion, di batea. Cwand ti les rwaites pal båkete, les djins sont tot ctoirdous. Pal båkete di l' avion, on voeyeut disfiler tos les cwârés tchamps del Saskatchewane. F. hublot. 4. bawete d' on buro, d'ene administråcion. Li percepteur astitcha s' tiesse pa l' båkete di s' buro. F. guichet, judas. 5. trô dins ene vite avou ene tournikete po renairi ene olaece. Fijhoz mete ene båkete a vosse finiesse, i foume trop foirt cial ([[Motî da Forir|H. Forir]]). F. ventilateur. | båket [o.n.] dins l' ratourneure: >> fé båket: riwaitî å dtriviè d' on noret, dins l' trô d' ene gazete, evnd. F. épier, surveiller. | båkeu, båkeuse u båcresse [o.f.n.] 1. li ci (cene) ki båke. F. espion, inspecteur, surveillant. 2. [[Motî:båyåds|båyåd]]. F. badaud, flâneur, curieux. Disfondowes: baukeu(se), baucresse, bâkeûr, bâkeu. [[Imådje:bauke4.jpg|framed|right|Coviete do prumî tome di "Ene båke so les bwès d' l' Årdene"]] | båke [f.n.] riwaitaedje did catchî. >> Ene båke so les bwès d' l' Årdene: : live a môde des lives di scole sicrît pa [[Lucyin Mahin]]. Etimolodjeye : [[sivierba]] di "båker", 1982. Ôte parintêye: * [[Motî:abåker|abåker]]. * [[Motî:båcter|båcter]]. * [[Motî:båkyî|båkyî]]. * [[Motî:båcnire|båcnire]]. * [[Motî:båkea|båkea]]. ---- * [[Ene båke so les bwès d' l' Årdene|Dipus d' racsegnes so "Ene båke so les bwès d' l' Årdene"]]