bôrer ([[Codjowaedje bouter|codjowaedje]]) I. [v.c.] 1. rimpli astok. Dji bôre mi fizik. I s' va bôrer ene pupe. Bôrez bén vosse pupe, pask' ele broûlrè trop rade. F. bourrer. >> bôrer les tchambes: bôrer avou del poure les fuzêyes k' on fwait peter en on feu d' årtifice (on dit k' on bouxhe les [[Motî:tchambe|tchambes°]]). >> bôrer ene sitouve: li rimpli a hope di bwès, di tcherbon. >> bôrer ses potches: haper des cwårs a on patron, a l' Estat. >> bôrer les tripes: fé des tripes tot bôrant les boyeas. >> esse bôré, êye (a stritche): a) tot djåzant d' on saetch, esse fén plin, fene plinne. rl a: [[Motî:rimpli|rimpli a hope]]. b) tot cåzant d' ene såle, esse plinne di djins. Gn aveut del djin al guinguete ?:: Taiss k' åy, c' esteut bôré. c) tot djåzant di djins, esse serés conte n' on l' ôte. Dj' esténs bôrés come des sårdenes divins ene boesse. rl a: [[Motî:ecassî|ecassî]]. >> bôrer l' cråne: rimpli l' tiesse di sacwès ki n' siervèt a rén, sins fé tuzer. 2. fé magnî astok. I bôrèt leu-z efant d' boubounes. On esteut si bén bôré k' on n' saveut pus avancî. rl a: [[Motî:edjaver|edjaver]], [[Motî:etouner|etouner]], [[Motî:ripaxhî|ripaxhî]], [[Motî:forsôler|forsôler]]. F. bourrer, gaver, repaître. >> esse bôré disk' a l' pupe: esse fén rpaxhî. >> bôrer l' troye u: bôrer les bedêyes: fé transi ene sakî (el fé aveur peu) tot lyi racontant des mintes. rl a: [[Motî:sognî|sognî]]. 3. diner bråmint. Ele bôra l' glawene di bistokes di totes sôres. F. bourrer, gorger. 4. rimpli di strin (des goreas, des matrasses, des tcheyires). I bôre bén les tcheyires. F. rembourrer. 5. poûssî waeraxhmint (ene sakî). Les Israyelîs l' ont bôré conte li meur, les djambes schåyeyes. Ni m' vinoz pus bôrer paski dj' vos ramone ! Li ci ki n' vout nén k' on l' bôre ni doet nén aler ou çk' i gn a bråmint des djins. Dji lyi a bôré l' gueuye e l' aiwe (ramexhné pa M. Francard). Li chef di gåre bôra li ci k' esteut tårdou, et vo l' la hiertchî dins l' trin (J. Viroux). rl a: [[Motî:tchôkî|tchôkî]]. F. pousser, bousculer. >> bôrer a: dimander tot foirçant. E 1914, li hôt comandmint francès a bôré li hôt comandmint bedje a rescouler come l' årmêye francesse (J. Viroux). 6. poûssî normåldimint. Il aléve todi påjhirmint e bôrant tofer si berwete, vude ubén tcherdjeye a hossete (J. L. Fauconnier). rl a: [[Motî:bouter|bouter]]. F. pousser. 7. sititchî (fé moussî). Li gorlî bôréve troes fistous d' swele a on côp avou on bôroe. Dj' a bôré des lokes po stoper l' trô do saiwoe. >> bôrer ene fåve; u: ene crake; u: ene minte: sititchî (raconter et fé acroere) ene fåve. To nos vas co bôrer ene crake. 8. mete. I m' vout bôrer el tiesse ki dj' våye al dicåce avou lu. rl a: [[Motî:tchôkî|tchôkî]], [[Motî:sititchî|stitchî]]. II. [v.s.c.] 1. bouter (po passer dins ene floxhe di djins). Ni bôrez don nén insi ! Avou tos les djins k' i gn a, i serè d' kession d' bôrer, si on vout ene tcheyire. F. pousser, jouer des coudes. 2. bouter (ovrer) fer et rade. I fåt bôrer po reyussi dins l' veye. I nos fårè bôrer, camaerådes, si nos vlans aveur tot fwait å nut. Alez, bôrans on bon côp po fini ç' buzogne la. Avou les mwaisses, i fåreut bôrer a s' fé mori. T' as bén l' tins, ni bôre nén tant. rl a: [[Motî:rener|rener]], [[Motî:dayî|dayî]], [[Motî:greter|greter]], [[Motî:eschiner|s' eschiner]]. F. bûcher. 3. ripaxhî (tot djåzant d' èn amagnî). Ene boune sipesse sope, ça bôre. F. rassasier, bourrer, caler. III. [v.pr.] 1. si mete. >> si bôrer padvant: si mete divant ls ôtes po s' fé bén vey, po s' vanter. 2. si cbouter n' on l' ôte. On s' diveut bôrer po intrer. 3. si rimpli s' vinte. Ni vs bôrez nén d' sope, vos n' åroz pus fwin après. On aveut fwin, et on s' bôréve di crompires cwand gn aveut. rl a: [[Motî:gueder|si gueder]]. F. s'empiffrer, se gaver, se bourrer. Disfondowes: bourer, borer, bourè, bôrer, bôrè, bôⁿrer, bôⁿrè, bôⁿrî, boûrer, bonrè. Etimolodjeye: viebe fwait so l' bodje latén "burra" (sipesse sitofe). Parintêye: * [[Motî:kibôrer|kibôrer]] * [[Motî:disbôrer|disbôrer]] * [[Motî:rebôrer|rebôrer]] * [[Motî:ribôrer|ribôrer]]