bardouxhî ([http://lucyin.walon.org/codjowaedjes/lodji.html codjowaedje]) I. [v.s.c.] 1. bouxhî foirt. Il a vnou bardouxhî a l' ouxh po dire k' i gn aveut ene vatche ki veléve. Dj' a tegué, savoz, po-z ariver å grand ouxh a droete mwin; et vo m' la a bardouxhî po k' on m' drouve ([http://rifondou.walon.org/proze_redjaurb.html#Daudet A. Daudet, rat. pa L. Baijot]). rl a: [[Motî:bardaxhî|bardaxhî]]. F. frapper violemment. 2. bate foirt, tot djåzant do cour. Tchaeke côp k' elle aporçuveut Rodrigue, gn aveut s' cour ki bardouxhive dins s' pwetrene, come on tam-tam (E. Pècheur). rl a: [[Motî:tocter|tocter]]. F. battre la chamade. 3. bouxhî pattavå. Il estént leu cwate conte mi, c' esteut l' moumint d' bardouxhî e hopea. On bardouxhe a droete, on bardouxhe a gåtche ! Et pertif et pertaf ! (E. Pècheur). F. frapper à tort et à travers. 4. fé bråmint do brut tot bouxhant pattavå. Ci n' esteut ene sôlêye ki bardouxhive avå les montêyes. Il a co seur rintré sô po bardouxhî insi totavå s' tchambe. Dj' a oyou bardouxhî ene sacwè e gurnî. Il a bardouxhî tote li nute. Årè-t on bénrade tot bardouxhî la-hôt ? (ramexhné pa L. Remacle). Mågré l' canon ki bouxhive, ki hoûléve et bardouxhî, on s' essoctéve on cwårt d' eure e sondjant a ene crolêye tiesse, a des rodjès lepes, a ene moman, a on clotchî ([http://rifondou.walon.org/wartike_croes.html E. Wartique et E. Thirionet]). rl a: [[Motî:caberdouxhî|caberdouxhî]]. F. tambouriner, faire du tapage, du vacarme. 5. toumer tot fjhant do brut. Elle a bardouxhî al valêye des montêyes. F. dégringoler. 6. bouter tot fjhant do brut, et må. Il ont bardouxhî tot l' ivier, et l' måjhon n' est nén co fineye. F. bosser, turbiner, bricoler. 7. roter tot cablançant et tot fjhant do brut. Il est sô, i bardouxhe d' ene håye a l' ôte. F. tituber bruyamment. 8. aler et vni. Ki l' anêye ki vént vos voeye bardouxhî, gaiy, so totes les voyes (R. Viroux). L' Impreu potcha so si tchvå, et bardouxhî on pô håre et hote po trover on passaedje, mins i n' voeya rén (J. Lebois). F. trimballer. 9. rinaxhî. Dji m' dimande çou k' i bardouxhe avårla. Vos avoz co vnou bardouxhî avå mes ridants. rl a: [[Motî:grevissî|grevissî]], [[Motî:veriner|veriner]], [[Motî:randaxhî|randaxhî]]. F. fouiner, fureter, fouiller, fougnter. 10. trinner tourner tos costés po-z awaitî. Elle est todi a bardouxhî åtoû d' chal. F. rôder. 11. trinner, tchicter. I n' a nén bardouxhî po vinde si biesse. F. tergiverser. 12. divni sot, piede li tiesse. I cmincive a bardouxhî, ça fwait k' on lyi a vnou mete li camizole di foice. F. déconner, déraisonner, divaguer, battre la campagne. >> bardouxhî avå les cwårs: piede li tiesse. II. [v.c.] 1. distrure. Louke on pô come i m' a bardouxhî cist årmå la ! F. gâcher, démollir, esquinter. 2. bouxhî po fé må. I bardouxhént ç' pôve biesse la. F. battre, maltraiter. 3. touwer. I nd ont bardouxhî, va, do djîbî, so les deus ans k' il ont lowé l' tchesse. rl a: [[Motî:sipater|sipater]], [[Motî:schafyî|schafyî]]. F. massacrer. Disfondowes: bardouhî, bardouchî, bardouchi, berdouchî, berdoûchè, berdôcher, berdoncher, berdachî, burdachî, bardahi, bardachi. Etimolodjeye: mot-brut "doxh" (rl a: [[Motî:ridoxhî|ridoxhî]]), dobe betchete ba- (betchete latene bis-) eyet ri- (minme mot ki bardaxhe). | bardouxhî, eye [addj. & o.f.n.] 1. sot(e), nén tot djusse (come onk k' åreut yeu on côp d' bardaxhe so s' tiesse). Ni rwaitîz nén a çk' i dit: il est on pô bardouxhî. T' es co pus bardouxhî k' l' enocin d' Croupet ki djowe di l' årmonica po fé tourner les salådes (A. Marchal). Bén t' es fén fô, va, taiss, seurmint ! T' es-st on foû-scwere et on dmey-doûs ! On sfwait bardouxhî, K' a on gros bwès foû di s' faxhene ([http://rifondou.walon.org/lv/rimas-rif.html#rimoirds L. Mahin]). rl a: [[Motî:båyåd|båyåd]], [[Motî:burlu|burlu]], [[Motî:relî|relî]], [[Motî:maboul|maboul]]. F. sot(te), toqué(e), niais(e). >> on dmey-bardouxhî: onk k' est on pô drole, nén come èn ôte. rl a: [[Motî:dimey-cougnî|dimey-cougnî]], [[Motî:dimey-doûs|dimey-doûs]], [[Motî:ewaeré|ewaeré]], [[Motî:saizi|saizi]], [[Motî:sokea|sokea]], [[Motî:gnognot|gnognot]]. F. arriéré(e) mental(e), simple d'esprit. 2. fô (sote), ki n' tuze a rén. N' ess nén on pô bardouxhî, paret ? Ti bouxhes on seu ptit côp d' mårtea sol poure et ça t' pete al binete ([http://rifondou.walon.org/lv/bateudmene.html L. Mahin]). F. fada, détraqué(e), dingue. 3. tot rmouwé, tote rimouwêye, amoreus sot. Il est tot bardouxhî dispu k' el a rescontré å motocross. rl a: [[Motî:dizôrné|dizôrné]]. F. éperdu(e), troublé(e). 3. malåde. Elle est tote bardouxheye avou totes ces droukes la. rl a: [[Motî:saké|saké]], [[Motî:fayé|fayé]], [[Motî:cacame|cacame]]. F. indisposé(e). Disfondowes: bardouhî, èye; bardouchi, îye, bardouchî, èye. | bardouxhaedje [o.n.] no d' fijhaedje et no di çou k' est fwait (accion eyet si adierça) pol viebe "bardouxhî". Ké bardouxhaedje avå les montêyes ! I n' ôt nén l' bardouxhaedje des trams et des otos ([http://rifondou.walon.org/dumont_2002.html#zoly J.P. Dumont]). Mins i m' fåt bén dire ki ci "muzike" la n' est pus, po l' djoû d' ouy, ki samrou, disdut, araedje et bardouxhaedje tot a ene feye ! ([http://rifondou.walon.org/thomsin-rif.html#sourdaud P.H. Thomsin]). F. tapage, bruit, vacarme, potin, chambard, déflagration, explosion, détonation, dégringolade, bricolage, travail mal fait, allées et venues, destruction, démolition. Disfondowes: bardouhèdje, bardouchadje, berdoûchâdje, bardahèdje, berdachadje, bardouchèdje. | bardouxhe [f.n.] 1. tchofe (bafe). Si t' continowes, t' årès ene bardouxhe ki t' t' è sovénrè tote ti veye. rl a: [[Motî:ratournêye|ratournêye]], [[Motî:berafe|berlafe]]. F. gifle, taloche. 2. les bardouxhes [t.pl.] pûnicion do djeu d' bale à l' calote ou au potè. F. punition, peine, châtiment, réprimande. >> passer les bardouxhes: cori po pûnicion, inte deus rîlêyes d' efants ki bardouxhèt avou leu mwin u leu toirdowe etchêpe. F. fourches caudines. 3. asprouve k' on fwait passer a des noveas. Ås prumirès nives, on tapéve les båsheles dins ene siconcire: après, on djheut k' elle avént passé les bardouxhes. F. baptême, initiation. 4. laid moumint a passer. rl a: [[Motî:cwårt d' eure|cwårt d' eure]]. F. épreuve. Disfondowes: berdouches, burdoûche, berdoûche, bërdoûches, bardouches. | bardouxhåd, e [o.f.n.] onk (ene) ki bardouxhe sovint.