berdeler I. [v.s.c.] 1. cåzer bråmint, et po n' nén dire grand tchoi. Pus k' on påle, pus k' on-z a soe ! Et come i berdelèt bråmint, c' est åjhey a comprinde ki les tournêyes ès shuvèt ! (J. Goffard). Les poyes ki grevissént dins les brôs do fossé, dmerèt ene minute a djok, pus ele si metèt a berdeler come des canletes e sôrtant d' messe (W. Bal). rl a: djåspiner, ramter, tchafyî, plaider, copiner, ragadler, ravåder, ramadjî, canler, bawyî, pirlodjî. F. bavarder, papoter, rabâcher. 2. cåzer tot fjhant des rprotches. I criyive, i djuréve, i berdeléve disso tot çk' ele fijheut (J. Spinosa). F. rouspéter, chicaner. II. [v.c.] 1. fé des rprotches a. Dji vos vou berdeler et n' nén vos aschoûter (J. Beaucarne). 2. repeter (des paroles k' on n' coprind nén) Li pere Abbas arivéve did l' ôte des costés, etot berdelant si litaneye. " Måle were !, måsseye aiwe !, troyreye di bôje !, pouri tins d' guernouyes ! " (L. Mahin). F. rabâcher. 3. dire (des paroles k' on n' comprind k' a mitan). Dj' a vnou avou l' pus djonne di mes gaméns po vey s' i gn åreut nén pa des côps èn ôte pitit Walon k' on pôreut berdeler sacwants mots avou lu e nosse lingaedje (L. Mahin). rl a: tchamårder. F. baragouiner. Etimolodjeye: bodje latén "brittus" (Burton) (cåzer on lingaedje k' on n' coprind nén). | berdeleu, berdeleuse u berdelresse [o.f.n.] onk, ene ki berdele. rl a: tchafete, tchafiåd, pirlodjeu. F. bavard(e), rabâcheur (euse). | berdelaedje [o.n.] accion d' berdeler, si rzultat. | berdelåd, e [o.f.n. & addj.] berdeleu(se). Avou s' grandeur, ès rondeur di vinte ey ès grande babeye di mwaisse berdelåd, i t' ireus vinde do såvlon å mitan do Sayel (">J. Schoovaerts). Cote po cote, ptete bén ki dj' åreu dvou prinde li cene di l' ôte sôre di berdelåd: advocåt (J. Schoovaerts). rl a: tchafiåd. F. bavard(e), prolixe, volubile. | berdelreye [f.n.] concert di berdelaedjes, k' on n' s' ôt pus. rl a: tchafireye, bawireye.