{{Wiccionaire-motî|berdeler}}
berdeler ([[Codjowaedje bouter|codjowaedje]])
I. [v.s.c.]
1. cåzer bråmint, et po n' nén dire grand tchoi. Pus k' on påle, pus k' on-z a soe ! Et come i berdelnut bråmint, c' est åjhey a comprinde ki les tournêyes ès shuvnut ! ([[J. Goffart]]). Les poyes ki grevissént dins les broûs do fossé, dmornut ene munute a djok, pus ele si metnut a berdeler come des canletes e sôrtant d' messe (W. Bal). F. bavarder, papoter, rabâcher.
2. cåzer tot fjhant des rprotches. I criyive, i djuréve, i berdeléve dissu tot çk' ele fijheut ([[J. Spinosa]]). F. rouspéter, chicaner.
II. [v.c.]
1. fé des rprotches a. Dji vos vou berdeler et n' nén vos aschoûter ([[J. Beaucarne]]).
2. repeter (des paroles k' on n' coprind nén) Li pere Abbas arivéve did l' ôte des costés, etot berdelant si litaneye. " Måle were !, måsseye aiwe !, troyreye di bôjhe !, pouri tins d' guernouyes ! " ([[L. Mahin]]). F. rabâcher.
3. dire (des paroles k' on n' comprind k' a mitan). Dj' a vnou avou l' pus djonne di mes gaméns po vey s' i gn åreut nén pa des côps èn ôte pitit Walon k' on pôreut berdeler sacwants mots avou lu e nosse lingaedje ([[L. Mahin]]). rl a: [[Motî:tchamårder|tchamårder]]. F. baragouiner.
Etimolodjeye: bodje [[gayel]] "brito" (djudjmint); rl a: [[Motî:brete|brete]], [[cawete -ler]] .
| berdelaedje [o.n.] no d' fijhaedje et no di çou k' est fwait (accion eyet si adierça) pol viebe "berdeler". On côp d' shofla et les berdelaedjes des omes del gåre: c' est po nos fé rmoussî dins les vweteures ([[E. Pècheur]]). I les a etindou cåzer, mins come ça n' l' interesséve nén, i n' a rén coprin a leu berdelaedje ([[G. Lucy]]). Èm fi ! vos berdelaedjes C' est tos peurs tchafiaedjes ([[J. Beaucarne]]). F. bavardage, papotage, baragouin, reproche, récrimination.
| berdeleu,
berdeleuse u
berdelresse [o.f.n.] onk, ene ki berdele. rl a: [[Motî:tchafete|tchafete]], [[Motî:tchafiåd|tchafiåd]], [[Motî:pirlodjeu|pirlodjeu]], [[Motî:trop-di-linwe|trop-di-linwe]]. F. bavard(e), rabâcheur (euse).
| berdelåd, e [o.f.n. & addj.] berdeleu(se). Avou s' grandeur, ès rondeur di vinte ey ès grande babeye di mwaisse berdelåd, i t' ireus vinde do såvlon å mitan do Sayel ([[J. Schoovaerts]]). Cote po cote, ptete bén ki dj' åreu dvou prinde li cene di l' ôte sôre di berdelåd: advocåt ([[J. Schoovaerts]]). rl a: [[Motî:tchafiåd|tchafiåd]]. F. bavard(e), prolixe, volubile.
| berdelreye [f.n.] hopea d' berdelaedjes, k' on n' s' ôt pus. rl a: [[Motî:tchafireye|tchafireye]], [[Motî:bawireye|bawireye]].
| berdele 2 [f.n.]
1. berdeleu(se). Ké berdele ki c' est, ç' grand-mé la ! ([[F. Deprêtre et N. Nopère]]). F. bavard(e).
2. riprotche k' on vs fwait. Totaleure, vos åroz co des berdeles di vosse pere ! ([[J. Coppens]]). F. réprimande.
Etimolodjeye: [[sivierba]] di "berdeler".
Coinreces [[Coûtchant walon]] & [[Basse-Årdene]].
Omonimeye:
[[Motî:berdele|berdele]] (boûkete).
----
[[berdeler|berdeler est l' viebe di rahoucaedje po les sinonimes di "djåzer bråmint"]]
[[Categoreye:Motî]]