berwete [f.n.] 1. usteye des maçons, des cinsîs, evnd, fwaite d' ene rowe, d' on plantchî, ene dossire et d' deus [[Motî:pene 2|penes]], po moenner ene pitite tchedje d' ene plaece a l' ôte pus åjheymint ki so s' dos. Et Varice aléve toltins: "Dji n' sai nén werker avou des si ptitès berwetes, la, mi" ([[B. Dechamps]]). Li cantonî rnetyive les filés d' aiwe avou on ramon et ene schoupe, et tcherdjî les mizeres dins s' berwete ([[M. Hubert]]). F. brouette. 2. saye, côp k' on n' a nén seu adiercî, sacwè k' on n' a nén reyussi. Ça a stî ene fameuse berwete po les catolikes flaminds. F. échec, fiasco. >> fé berwete: èn nén [[Motî:adiercî|adiercî]] s' côp (rater ene sacwè). Li pé d' tot, avou l' ôrtografeye francesse, c' est k' tertos dit k' elle est biesse mins, tchaeke côp k' on-z a asprouvé d' el candjî, on-z a fwait berwete ([[W. Bal]]). F. échouer, rater, capoter, se casser les dents. >> c' est do bwès d' berwete: c' est on toû po vs fé ratinde. Loukîz a : [[Motî:ralondje|ralondje]]. F. reporté aux calendes greques". 3. no do limero cwate al [[Motî:kine 2|kine]]. | berwetêye [f.n.] çou k' i gn a so ene berwete. I m' rifåreut co bén ene berwetêye di fén såvlon. F. "brouettée". == Parintêye == * [[Motî:berweter|berweter]] * [[Motî:aberweter|aberweter]] * [[Motî:eberweter|eberweter]]