betchter 1
I. [v.c.]
1. diner des ptits côps d' betch. Li moxhon vént betchter m' finiesse cwand k' il a fwin. F. becqueter.
2. magnî a pititès betcheyes, sins fwin. I n' magne cåzu pus, djusse betcher si amagnî. Si vos travayriz al terasse, on n' vos vireut pus betchter come vos l' fijhoz a tåve. Mindjîz, savoz; ni vnoz nén betchter. Loukîz a: betchoter, plitchter. F. mangeoter, grapiller.
3. fé araedjî. Il a yeu l' air di m' betchter rapoirt a m' galant, mins il a stî bén colé (Deprêtre et Nopère). F. taquiner.
4. diner toltins des ptits betch. Loukîz a: betchoter, cobetchî. F. baisoter.
5. (mot d' cinsî) passer en on tcherwé avou ene ledjîre îpe, divant d' semer. F. herser, ameublir.
II. [v.s.c.]
1. magnî a ptits côps ås plats po les sayî, divant k' on n' les sieve. F. grignoter.
2. (mot d' pexheu) hagnî ås amoices, tot djåzant d' pexhons. Ça betchtêye, ô, vos, Ujinne ? F. mordre, mordiller.
3. magnî les foyes, les brostions des håyes, des åbes, magnî des crouwås pa ptitès betcheyes, e bodjant bråmint d' plaece, tot cåzant d' biesses magneuses di yebe (gade, djirafe, antilopes). Li vatche eyet l' djirafe sont deus magneus d' yebe; mins l' vatche paxhe, eyet l' djirafe betchtêye. Loukîz a: paxhî. F. brouter (les buissons). Inglès: to browse.
4. naivyî sol Daegntoele, tot alant so mwintès waibes, sins î dmorer lontins. F. surfer.
Etimolodjeye: viebe fwait sol mot bodje "betchete" (cawete -ter).
| betchteu, se 1, betchteuse 1 u betchtêyresse 1
I. [o.f.n.] li ci (cene) ki betchtêye, copurade: a) ptit magneu(se); b) magneu d' yebe ki betchtêye purade ki paxhî. Dins on zô, po sognî les betchteus, i n' fåt nén des trop foirts fôraedjes. Loukîz a: paxheu; Loukîz a: tchafouyåd.
II. betchteu d' waibes u betchteu waibe [o.n., pl des betchteus waibes] programe po naivyî sol Daegntoele Al fén, dj' a candjî d' betchteu, paski dj' aveu di trop di rujhes avou l' Netscape. F. navigateur, butineur. Inglès: browser.
| betchtaedje [o.n.] no d' fijhaedje et no di çou k' est fwait (accion et si rzultat) pol viebe "betchter", copurade:
1. pitits brostions des håyes. F. sommités.
2. naiviaedje so l' Etrernete. F. navigation.
3. (mot d' pexheu) pexhon k' a vnou betchter å hanzin et k' a stî prins. Dj' a metou m' legne deus eures e l' aiwe et dji n' a nén yeu on betchtaedje. F. prise.
4. magnaedje sins apetit. Cwè çki c' est d' ça po on betchtaedje ! Djans ! mindjoz ! F. grignotage.
5. tijnaedje po fé araedjî. Dji n' mi rtoûne nén d' leu betchtaedjes, savoz, mi, nosse mame. F. taquinerie, plaisanterie. Disfondowes: betchtèdje, betchtadje, bectâdje.
| betchtåd 1, betchtåde 1 [o.f.n.]
1. pitit(e) magneu(se), ki plitchote. Loukîz a: betchoteu, plitchteu, plitchoteu.
2. li ci ki dene toltins des ptits betch. Loukîz a: rabresseu.
Près-parint :
- betchoter (cåzu l' minme mot)
Minme mot :
- betchter 2 (begyî).