biyet [o.n.] 1. papî ki våt des cwårs. Si pårén lyi a dné on gros biyet pol dicåce. Il åreut dné gros po rtrover ç' biyet la. Si vinte, c' est come on ridoe-caisse k' infele tot contant ses biyets (C. Quinet). 2. pitit scrît. Ele lyi a avoyî on biyet doûs. 3. pitit boket d' papî. >> biyet d' caramel: papî ki ratoirteye les caramels. 4. tiket (pitit papî ki po payî l' tram, li trin, li fotbal, l' avion). Il a bén reyussi dins l' veye: i trawe les biyets d' tram. rl a: [[Motî:copon|copon]]. 5. pitit papî po vs houkî al police, al comene, ås sôdårds. Li champete a poirté les biyets d' sôdård. F. convocation. | biyter [v.s.c.] ([http://lucyin.walon.org/codjowaedjes/boerler.html codjowaedje]) 1. fé des wadjeures po des cwårs. F. parier. 2. djouwer a des djeus d' cwårs. Li ci k' a biyté, biytêyrè. F. s'adonner au jeu. 3. atchter ene sacwè, k' on n' s' end ocupe nén, copurade des tites al boûsse, po waitî d' wangnî dso. F. spéculer. Disfondowes: bîyter, bîyètè, bîyèter. Coinrece Payis d' Châlerwè. | biyteu, biyteuse u biytêyresse [o.f.n.] onk, ene ki biytêye. C' est on biyteu, i djouwreut si marone. F. joueur, spéculateur. Disfondowes: bîyteu, biyteu, bîyèteu. | biytaedje [o.n.] 1. djouwaedje avou des cwårs, atchtaedje po wangnî gros. F. jeu d'argent, spéculation. 2. vindaedje di biyets d' avion, di lotreye, evnd. Li biytaedje ni nos rapoite nén ddja 5 åcint; ci n' est nén assez po vinde les biyets d' avion al croye ! F. billeterie. Disfondowes: bîytadje, bîyètadje. | biytî, biytresse [o.f.n.] onk, ene ki vind des biyets, copurade des biyets d' avion, des biyets d' tombola, des tikets d' intrêye. F. vendeur, euse de billets, billettiste. Etimolodjeye: bodje biyet, cawete -î po les mestîs, 2002. | biytreye [f.n.] cwårtî d' l' economeye, a vey avou l' vindaedje des biyets (d' avion, di fotbal). Li grope Accor ni vout pus ôre cåzer d' biytreye; ça n' rapoite rén, sapinse zels. F. billeterie. Etimolodjeye: bodje biyet, cawete -reye 2 (cwårtî a vey avou l' bodje), 2002.

[[Imådje:biyet_500EUR.png]]

Imådje d' on biyet d' cénk cints euros.