bladje [addj., purade padvant] blanc d' vizaedje, soeye-t i d' aveur sogne (peu), d' esse sibaré, d' esse contraryî, soeye-t i d' aveur sitî malåde, d' esse må, d' aveur dimoré recloyou, sins vey li solea. Tos les pokîs, les mezalyîs, Les cis k' ont stî ritches di disbene I seront la, bladjes di colere; I vos racontront leu-z istwere. Cwè lzî diroz ? Cwè lzî diroz, Bon Diu d' mizere ? (F. Dewandelaer). Vos n' l' avez nén manké, Bert, dit-st i Cranasse, bladje d' emocion (F. Barry). Vos avoz l' air tourminté : vos estoz la tot bladje, grand-pere (C. Tombeur). Loukîz a : blanc moirt. F. blême, pâle, livide.

| bladjot, bladjote [addj., purade padvant]

1. ene miete blanc d' vizaedje. Elle est tote bladjote, l' efant, et ci n' est nén l' djaene sorire k' elle a metou so s' vizaedje ki l' a vnou reblamter (L. Somme). F. pâlot, pâlichon, blafard.

2. (médyince) esse djus d' sonk a cåze d' ene maladeye. Si dji boute ene miete ditrop, mi cour bat l' berloke, dji dmeure bladjot (E. Dumont). Loukîz a : sblari. F. pâle, décoloré, anémique, anémié, exsangue.

3. flåwe, tot djåzant d' ene loumire, blantchåsse, tot djant d' ene coleur. Des sinås rodjes et verts tot e hôt des stapetes Come des gros ponts d' coleur so des grands bladjots I (G. Edouard). Après, des sôdårds sins fizik Des bladjès loumrotes, Des muzikes cachént co d' dispåde, a cwè bon, Leus inutilès iluzions (R. Mayence). Gn aveut k' ene bladjote loumire po loumer s' botike (J. Schoovaerts). F. pâle, pâlot, blanchâtre, incolore..

Sipårdaedje do mot e 20inme sieke

Coinrece Coûtchant walon.