Cisse pådje ci, c' est ene årtchive do pordjet motî (cnoxhou dizo l' rahouca R11) k' esteut-st elodjî so Wikipedia divant di divni l' Wiccionaire.
Pådje : Motî:boûsse
Date : 2019-01-24T08:31:17Z
Uzeu : Reptilien.19831209BE1
Messaedje : +cat
URL : https://wa.wikipedia.org/w/index.php?oldid=338967
boûsse [f.n.]
1. taxhe avou des coirdele, k' on meteut ses cwårs (u ôte tchoi) divins. Li pus råle di l' istwere, c' est ki dji m' ritrove avou vint-cénk patacons d' moens e m' boûsse (A. Maquet). Les bråves djins k' egayolnut leus feyes dins l' boûsse des vîs k' els ont (W. Félix). F. "bourse". >> tini l' boûsse: dins on manaedje, ene kiminålté, s' ocuper des çanses. F. "responsable financier, proviseur". >> mete e boûsse: mete tchaeke ene pîce dins ene boûse po-z atchter åk eshonne F. "se cotiser ". >> lodjî l' diåle e s' boûsse: esse foirt pôve. >> plate boûsse et dorêye cingue ni vont måy eshonne: i n' si fåt nén moussî come on milôr cwand on n' a pont d' brokes. >> hapeu d' boûsse: u >> côpeu d' boûsse: voleu. On cmince a haper èn oû, pu on hape ene tchîtcheye divènrè rade on grand hapeu d' boûsses. F. "voleur, détrousseur". >> s' etinde come deus côpeus d' boûsse: si bén etinde. On dit eto : come deus lives e l' avoenne. F. "s'entendre comme larrons en foire". >> esse a s' boûsse: bouter po s' prôpe conte. Loukîz a : indepindant. F. "à son compte, comme indépendant".
2. çou k' gn a ladvins cisse taxhe la. Dj' a prins m' boûsse di mas, et dj' a peté evoye, e corant d' tos mes pus rade (F. Callaert). F. "bourse (contenu)".
3. (pa stindaedje) poite-manoye, poite-foyes. F. "porte-monnaie, portefeuille".
4. (antomeye) no d' sacwants organes ki rshonnèt a on saetch. >> boûsses: pea ki contént les tiesticures. F. "bourses". >> boûsse di Fabricius: organe di disfinse do coir des oujheas, metowe ådvins do cropion. F. "Bourse de Fabricius".
5. Boûsse institucion la k' on vind des pårts di societé d' comiece, des obligåcions, des waerants, evnd. F. "Bourse (de valeurs mobilières)".
| boursete [f.n.]
1. pitite boûsse On m' a hapé m' boursete et i tapèt des couyonådes (A. Maquet). F. "(petite) bourse".
2. boûsse avou on rméde madjike divins. Conte li fivlinne on pindeut ene boursete avou des crås pourceas åtoû do hatrea; ça dveut pinde so li stoumak. F. "talisman".
2. fortune, gros cwårs. Li boursete dimane divins les mwins d' ene pougneye di gros bounets (R. Joelants). F. "finance, fortune".
| bourson u boûsson [o.n.] 1. schalon d' ene schåle. F. " échelon". 2. båre d' ene tcheyire.