[[Categoreye:Raspepyî årtike do motî|botaye]]
botaye [Li rfondowe, c' est ene [[sorwalonde]] ([[Coûtchant walon]], [[Sint-Houbert|payis do Bork]] et [[Fumwè]], loukîz el mape [[A.L.W.]] 1. 6.).] [f.n.]
1. [[Motî:cantea|cantea]] d' [[Motî:veule|veule]], pus hôt k' lådje, sovint ristopé d' on boutchon, po-z î [[Motî:wårder|wårder]] des likides. Li botaye est ddja cåzu vude. Èm boune matante a del bire e botaye, Ç' n' est nén l' faro k' est djamåy si bon k' ça ([[J. Bertrand]]). Gn aveut pus k' des srinkes, des brostions d' cigaretes, des vudès botayes, tos rmanants di såvadjès ribotes muchieyes dizo l' paltot del nute ([[C. Quinet]]). Alez s' mi cweri l' botaye di Fine k' est å gré del cåve ([[G. Heusdain]]). I woeyént dins l' måjhone d' a costé divant ene botaye di peket : li moirt ni pleut todi må d' cori evoye, don ([[M. Georges]]). Loukîz a : [[Motî:fletchåd|fletchåd]]. F. "bouteille".
>> pansowe botaye: botaye avou on gros vinte.
>> plate botaye: botaye po-z î goler åjheymint. I tetéve on ptit sgoirdjon al plate botaye ki nel cwitéve måy ([[C. Binamé]]).
>> botaye di cur: grosse boûsse di cur avou on golot, po-z î mete di l' aiwe. End a ossu des ôtes k' ont tot on waxhelmint, ene botaye di cur, on mesplî, des instrumints, ki s' metèt-st en alaedje pa les tiers et voyes po vni disk' a sint Rok ([[L. Lagauche]]).
F. "gourde".
>> boere al botaye: Loukîz a : trûtchî.
>> way, c' est des kinikes° e botaye:
2. (pus stroetmint) cantea avou ene tetene å dbout po nouri les [[Motî:påpåd|påpåds]]. Dji rwaite vosse pitite-båshele Fene assoctêye dissu l' carpete, Li botaye tcheyowe djus del boke, Les djambes eschåyeyes, sins måhonte ([[L. Mahin]]). F. "biberon". [Loukîz a : [[ALW]] 4. p. 289.]
3. çou k' i gn a dvins. On-z a boevou tote li botaye. Loukîz a : [[Motî:sins|sins]]. F. "bouteille".
>> cou d' botaye: çou ki dmeure å fond d' ene botaye cåzu vude.
4. [[Motî:drouke|drouke]] k' i gn a dvins. Il a prindou ene botaye po prudjî. Li docteur m' a-st ordoné ene botaye. Boevoz on coyî del botaye. Dj' a co en botaye po froter cwand on-z a må ses djambes. F. "médicament, potion, lotion".
Sacwès k' ont l' cogne d' ene botaye
5. no d' sacwants fruts k' î rshonnèt
a) [[Motî:cou d' tchén|cou d' tchén]] (frut do [[Motî:såvaedje rôzî|såvaedje rôzî]]). Les efants vont voltî dins les håyes cachî ås botayes po fé des pwels di séndje [[Motî d' Nivele]]). F. "cynorrhodon".
b) grosse poyowe [[Motî:gurzale|gurzale]] k' on fwait les [[Motî:dorêye|dorêyes]]. On dit eto : [[Motî:grefinne|grefinne]]. [[[ALW]] 6. p. 285.]
c) [[Motî:peturon|peturon]]. F. "citrouille".
6. [[Motî:amer|amer]]. F. "vésicule biliaire".
7. pårteye do coir ki prind l' cogne d' ene pansowe botaye.
>> prinde del botaye: divni vî avou on gros vinte. F. "prendre de la bouteille".
>> sene del botaye: (mot d' årtisse) udinme di dzo l' babetch ås berbis et ås vatches. F. "oedème de l'auge".
8. [[Motî:bouyote|bouyote]] di tchôde aiwe k' on mete dins l' lét.
9. [[Motî:damjhele|damjhele]] (biesse). F. "libellule".
>> diale ås botayes: damjhele. [[[ALW]] 8. p. 334.]
| di botaye [addjectivire] k' ont stî sterilijhî et metou dins des botayes u de boesses di blanc fier. C' est todi meyeu k' les legumes di botaye ([[Fond di dnêyes di l' Årdene nonnrece]]). F. "en conseves".
| botayî [o.n.] ovrî ki fwait des botayes.
>> wadjeure di boayî: wadjeure ki l' pierdant rifuze di payî.
== Etimolodjeye et tcherpetaedje==
;botaye : vî mot "butticula" (ki pôreut esse u nén do [[Etimolodjeye latene|latén]] [[[Motî etimolodjike da von Wartburg|FEW]] 1.660.]
;botayî : [[cawete -î]]
== Disfondowes ==
botaye, botâye, boutaye, boutâye, botèye, botêye, botéye, botin.ye, boutèye, boutîye, boutîe; miersipepieuzmint el mape ey el notûle [[A.L.W.]] 1. 6. [Ôte [[sorwalonde]] : ''bostèye'' ([[Ça va bén (plake)| Ça va bén]].]
== Sicrijhas ezès motîs ==
;botaye : botaye [G201], botâye [G201], boutaye [O0, G201], boutâye [G201], botèye [E1, E21, E34, C1, C9, C18, G206], botèy [G208], boutèye [O0, O4, S104], boutèy [G208], boutîye [S117], boutî(ye) [G201], boutî.ye [S109], boutîe [S117], boutî [S107]; nén dins C13, C105.
;di botaye : du boutiye [S117]
;botayî : boutayî [O0] [Loukîz al [[Djivêye des motîs]].]
== Hårdêye divintrinne ==
* [[botaye|Dipus d' racsegnes so les botayes]]
* [[såvaedje rôzî|Dipus d' racsegnes so les botayes (fruts do såvaedje rôzî)]]
* [[gurzale|Dipus d' racsegnes so les botayes (sôres di gurzale)]]
* [[amer|Dipus d' racsegnes sol botaye do foete (amer)]]
* [[damjhele|Dipus d' racsegnes so les botayes (insekes)]]
* [[sene del botaye|Dipus d' racsegnes sol ses del botaye (dins les maladeyes des roemiants)]]
== Sourdants & pî-notes ==