botnire [f.n.] 1. sistinme d' agrapaedje d' on mousmint, avou on boton d' on costé, et on trô d' l' ôte. Dj' a des botnires di soye a m' paltot. >> rire a scheter ses botnires: xhaxhler, rire di bon cour. >> parint a l' deujhinme (u: troejhinme; u: cwatrinme) botnire: parint did lon. rl a: [[Motî:gregne|gregne]]. F. parent éloigné. Disloujhî, l' Conte, cwand il a-st aprin l' novele! Pus nén ene çanse, s' i vos plait ! Tot nd aléve a des cuzéns al troejhinme botnire do costé d' ses beas-frés... I lyi dmoréve djusse po sorviker ! ([http://rifondou.walon.org/so_l_anuti/node8.html L. Hendschel]). Li virusse do schôpia-tronnica des berbis a on parint al cwatrinme botnire: c' est l' virusse d' ene maladeye des djins, k' on lome li "Kreuzfeldt-Jacob" ([http://rifondou.walon.org/agrowal.html#sotevatch1 L. Mahin]). 2. (pus stroetmint) potche metowe padvant so les djaketes. Il aveut metou ene fleur a s' botnire. Tåtî voleut-st aveur si botnire rodje wårneye. F. boutonnière. 3. (pa stindaedje) longowe sitroete playe, fwaite pa on coutea, ene sipeye, ene operåcion. rl a: [[Motî:kernaxhe|kernaxhe]]. F. entaille. >> S' i m' atake måy, dji lyi fwait ene botnire; u: s' i m' vént co mastiner, dji lyi frè ene botnire dins s' panse: paroles di mançaedje. 4. (mot d' cerudjin) tos les fyis u les agrapes ki tnèt on rakeudaedje après ene operåcion. Lanawaire, on lyi a côpé dins s' goidje et lyi mete ene botnire (G. Renson). F. suture, points. 5. (mot d' cinsî). l' operåcion leye-minme, copurade li cezaryinne des vatches. 6. (vî mot d' tcheron) finte fwait å dbout d' l' aessi po-z î mete li wesse. Disfondowes: bot'nîre, bout'niêre, bout'niére, boutnîre, bout'nière. | botnirer [v.c. & v.s.c.] (mot d' cinsî, d' årtisse) fé ene cezaryinne (a ene vatche). Li blanc-bleu bedje, c' est ene sôre di biesse ki fwait todi des veas cou-d'-polin; c' est po ça ki, noûf côps so dijh, fåt botnirer ([http://rifondou.walon.org/bbb.html pådje do BBB]). F. pratique la césarienne. Etimolodjeye: viebe rifwait sol no "botnire", 1980. | botniraedje [o.n.] no d' fijhaedje et no di çou k' est fwait (accion eyet si adierça) pol viebe "botnirer". Ciddé odzo, li fime d' on botniraedje.