botnire [f.n.] 1. sistinme d' agrapaedje d' on mousmint, avou on boton d' on costé, et on trô d' l' ôte. Dj' a des botnires di soye a m' paltot. >> rire a scheter ses botnires: xhaxhler, rire di bon cour. >> parint a l' deujhinme (u: troejhinme; u: cwatrinme) botnire: parint did lon. rl a: gregne. F. parent éloigné. Disloujhî, l' Conte, cwand il a-st aprin l' novele! Pus nén ene çanse, s' i vos plait ! Tot nd aléve a des cuzéns al troejhinme botnire do costé d' ses beas-frés... I lyi dmoréve djusse po sorviker ! (L. Hendschel). Li virusse do schôpia-tronnica des berbis a on parint al cwatrinme botnire: c' est l' virusse d' ene maladeye des djins, k' on lome li "Kreuzfeldt-Jacob" (L. Mahin). 2. (pus stroetmint) potche metowe padvant so les djaketes. Il aveut metou ene fleur a s' botnire. Tåtî voleut-st aveur si botnire rodje wårneye. F. boutonnière. 3. (pa stindaedje) longowe sitroete playe, fwaite pa on coutea, ene sipeye, ene operåcion. rl a: kernaxhe. F. entaille. >> S' i m' atake måy, dji lyi fwait ene botnire; u: s' i m' vént co mastiner, dji lyi frè ene botnire dins s' panse: paroles di mançaedje. 4. (mot d' cerudjin) tos les fyis u les agrapes ki tnèt on rakeudaedje après ene operåcion. Lanawaire, on lyi a côpé dins s' goidje et lyi mete ene botnire (G. Renson). F. suture, points. 5. (mot d' cinsî). l' operåcion leye-minme, copurade li cezaryinne des vatches. 6. (vî mot d' tcheron) finte fwait å dbout d' l' aessi po-z î mete li wesse. Disfondowes: bot'nîre, bout'niêre, bout'niére, boutnîre, bout'nière. | botnirer [v.c. & v.s.c.] (mot d' cinsî, d' årtisse) fé ene cezaryinne (a ene vatche). Li blanc-bleu bedje, c' est ene sôre di biesse ki fwait todi des veas cou-d'-polin; c' est po ça ki, noûf côps so dijh, fåt botnirer (pådje do BBB). F. pratique la césarienne. Etimolodjeye: viebe rifwait sol no "botnire", 1980. | botniraedje [o.n.] no d' fijhaedje et no di çou k' est fwait (accion eyet si adierça) pol viebe "botnirer". Ciddé odzo, li fime d' on botniraedje.

Li fime d' on botniraedje (poitraits saetchîs pa Pierre Otjacques).