botnire [f.n.]
1. sistinme d' agrapaedje d' on mousmint, avou on boton d' on costé, et on trô d' l' ôte. Dj' a des botnires di soye a m' paltot.
>> rire a [[Motî:siketer|sketer]] ses botnires: [[Motî:xhaxhler|xhaxhler]], rire di bon cour.
>> magnî a sketer ses botnires: magnî bråmint.
>> parint a l' deujhinme; u:
troejhinme; u:
cwatrinme botnire: parint did lon. Diloujhî, l' Conte, cwand il a-st aprin l' novele! Pus nén ene çanse, s' i vos plait ! Tot nd aléve a des cuzéns al troejhinme botnire do costé d' ses beas-frés... I lyi dmoréve djusse po sorviker ! ([[L. Hendschel]]). Li virusse do schôpia-tronnica des berbis a on parint al cwatrinme botnire: c' est l' virusse d' ene maladeye des djins, k' on lome li "Kreuzfeldt-Jacob" ([[L. Mahin]]). On dit eto: [[Motî:gregne|do costé del viye gregne]]. F. parent éloigné.
2. (pus stroetmint) potche metowe padvant so les djaketes. Il aveut metou ene fleur a s' botnire. Tåtî voleut-st aveur si botnire rodje wårneye. F. boutonnière.
3. (pa stindaedje) longowe sitroete playe, fwaite pa on coutea, ene sipeye, ene operåcion. rl a: [[Motî:kernaxhe|kernaxhe]]. F. entaille.
>> S' i m' atake måy, dji lyi fwait ene botnire; u: s' i m' vént co mastiner, dji lyi frè ene botnire dins s' panse: paroles di mançaedje.
4. (mot d' cerudjin) tos les fyis u les agrapes ki tnèt on rakeudaedje après ene operåcion. Lanawaire, on lyi a côpé dins s' goidje et lyi mete ene botnire (G. Renson). F. suture, points.
5. ([[noûmot]] d' cinsî, 1960) l' operåcion leyminme, copurade li cezaryinne des vatches. F. césarienne.
6. (vî mot d' tcheron) finte fwait å dbout d' l' aessi po-z î mete li [[Motî:wesse 2|wesse]].
Etimolodjeye : bodje [[Motî:boton|boton]], [[cawete -ire]].
Parintêye :
* [[Motî:botnirer|botnirer]].
----
[[botniraedje|Dipus d' racsegnes so les botnires (åzès vatches)]] .