boudjiye [f.n.] 1. pitite [[Motî:tchandele|tchandele]]. Li bon curé Mårtén s' voeyeut ddja e Paradis å mitan des ciedjes et des boudjiyes ([[A. Daudet]], ratourné pa [[L. Baijot]]). Elle alént e porcession et tchantént li tchant d' sinte Båbe, tot rotant ; al tchapele del sinte, sol voye des schayires, ele aloumént des boudjiyes ([[Y. Gourdin]]). On lyi aveut metou on cruçfi et deus boudjeyes, on tchaplet dins les mwins et on ptit potiket d' benite aiwe avou ene brantche di påkî ([[M. Georges]]). F. bougie. >> broûler de boudjeyes: aloumer des boudjeyes ki broûlront disk’ å coron, po-z aveur åk d’ on sint. Ci djoû 1a, a poenne rintré, il a stî e l' eglijhe : dire des grandès påters a l' Sinte Viedje do ptit åté ; et broûler des boudjeyes ([[A. Henin]]). 2. muzeure di loumaedje d’ ene lampe. Waitîz on pô åtoû d' vos, å niût, dins vo salon tot asblawi pa l' loumire di vos lampes a cint boudjiyes ([[E. Romain]]). On dit eto: [[Motî:wate 2|wate 2]]. F. watt. 3. pîce k’ esprind on moteur a essince. >> tchåfante boudjeye: minme pîce so o moteur å mazout, ki tchåfe li moteur diant l’ aloumaedje. | boudjwer [o.n.] pitit [[Motî:tchandlé|tchandlé]], po mete ene boudjeye. F. bougeoir. == Etimolodjeye == riwalonijhî [[calcaedje do francès]] "''bougie''" et "''bougeoir''" (minmes sinses). == Sicrijhas ezès motîs == ;boudjiye : boujîye [E1, C8]; boudjîye [O4]; boudjîe [C9]; bougie [E34]; boujîe [E21] ;boudjwer : boujwêr [O4]; boujwâr [C1] Loukîz al [[Djivêye des motîs]].