bovrins

I. [o.n.t.pl.] no tecnike po lomer eshonne les vatches, boûs, gayets (toreas), åmayes (djinixhes) et veas, e sincieus latén Bos taurus. Loukîz a : zebu. F. bovin.

II. bovrin, bovrinne [addj., purade padrî] des, ås, po les bovrins.

Etimolodjeye : bodje bov- (boû et vatches), cawete -rin, 2007.

| bovreye

I. [f.n.] (v.v.m.) ståve ås vatches d' on signeur (cinse avou des bovrins). F. bouverie.

II. Li Bovreye [n.pl.] no d' sacwantès plaeces del Walonreye.

1. la-minme Al Bouvriye [n.pl.] ancyin ptit ban del Walonreye, e F. La Bouverie, rebané avou Framriye.

2. hamtea d’ Teu (F. Bovrie).

3. hamtea d’ Hodister (F. Bovrie).

4. hamtea di Brinne-l’-Aleu (F. Bouvrée).

5. hamtea d’ Tchåmont-Djistou (F. Bovrée).

6. coulot d' Lidje, inte Mouze eyet l' derivåcion, wisk' i gn a ouy li Palå des Congrès (F. Boverie).

Tcherpetaedje : cawete -reye

• Dipus d' racsegnes so les bovrins
• Dipus d' racsegnes so les nos d’ plaeces lomés “Bovreye”