bråye [f.n.] 1. faxhe (des efants) >> Bråyes et pixhåds, moståde pattavå: dijhêye po balter des cis k' ont yeu èn efant. F. lange. >> Ratindoz ene miete, vos bråyes sont co sol håye: dijhêye a on djonnea ki fwait do ronflant. >> I sont todi dins les bråyes: il ont efant so efant. rl a: handea. 2. loke (vî mousmint, cayet tot coschiré). Ravizoz m' tchimijhe, ci n' est pus k' ene bråye (F. Deprêtre et R. Nopère). F. harde. 3. loke u coide k' on-z ateléve ås pates des poyes, des tchvås po n' nén k' i s' såvénxhe. F. entrave. 4. rabat di tchminêye (toele froncêye, sovint a cwårea, ki pindeut après les viyès tchiminêyes, u les léts a bardakin). 5. (mot d' botchî) mwais bokets d' ene biesse di botchreye, k' gn a inte ses pates di drî (pixha et pårteyes des måyes, pé des vatches et berbis). Li bråye d' ene vatche, d' on pourcea (J. Wisimus). 6. crote (di tchet). rl a: sitron, flate, crote, polene, pecale, pilure, crotale, schite. Disfondowes: brauye, brâye, braye | brayete [f.n.] droveure padvant les marones, par la k' les omes pixhèt. On ramasséve les botons d' brayete po nozôtes djouwer (E. Pècheur). >> Rabotene ti brayete, li ptit oujhea va voler evoye: dijhêye a onk k' a l' brayete å lådje. >> Sint Medåd, grand pixhåd; Sinte Magrite lyi rabotnêye si brayete: Si i ploût al Sint-Medåd, i plourè cwarante djoûs, apus k' i feye bon al Sinte-Magrite. F. braguette. Disfondowes: brayète, brauyète, brayate

Parintêye :

• bråyler
• bråyter
• abråyter
• disbråyler
• disbråyter

Mots d' aplacaedje :

• bråye di tchet
• bråye di coucou

• Dipus d' racsegnes so les bråyes des efants