bråye [f.n.] 1. [[Motî:faxhe|faxhe]] (des efants). >> Bråyes et pixhåds, moståde pattavå: dijhêye po balter des cis k' ont yeu èn efant. F. lange. >> Ratindoz ene miete, vos bråyes sont co sol håye: dijhêye a on djonnea ki fwait do ronflant. >> I sont todi dins les bråyes: il ont efant so efant. rl a: [[Motî:handea|handea]]. 2. [[Motî:loke|loke]] (vî mousmint, cayet tot coschiré). Ravizez m' tchimijhe, ci n' est pus k' ene bråye ([[F. Deprêtre et R. Nopère]]). F. harde. 3. loke u coide k' on-z ateléve ås pates des poyes, des tchvås po n' nén k' i s' såvénxhe. F. entrave. 4. [[Motî:rabat|rabat di tchminêye]] (toele froncêye, sovint a cwårea, ki pindeut après les viyès tchiminêyes, u les léts a bardakin). 5. (mot d' botchî) mwais bokets d' ene biesse di botchreye, k' gn a inte ses pates di drî (pixha et pårteyes des måyes, pé des vatches et berbis). Li bråye d' ene vatche, d' on pourcea ([[J. Wisimus]]). 6. crote (di tchet). rl a: [[Motî:sitron|sitron]], [[Motî:flate|flate]], [[Motî:crote|crote]], [[Motî:polene|polene]], [[Motî:pecale|pecale]], [[Motî:petale 1|petale]], [[Motî:pilure|pilure]], [[Motî:crotale|crotale]], [[Motî:schite|schite]]. Disfondowes: brauye, brâye, braye. | bråyete [f.n.] droveure padvant les marones, par la k' les omes pixhèt. Ene brayete, c' est ene bawete pol kekete. On ramasséve les botons d' bråyete po nozôtes djouwer ([[E. Pècheur]]). >> Rabotene ti bråyete, li ptit oujhea va voler evoye: dijhêye a onk k' a l' bråyete å lådje. >> Sint Medåd, grand pixhåd; Sinte Magrite lyi rabotnêye si bråyete: Si i ploût al Sint-Medåd, i plourè cwarante djoûs, apus k' i fwaiye bon al Sinte-Magrite. F. braguette. Disfondowes: brayète, brauyète, brayate. Parintêye: * [[Motî:bråyler|bråyler]] * [[Motî:bråyter|bråyter]] * [[Motî:abråyter|abråyter]] * [[Motî:disbråyler|disbråyler]] * [[Motî:disbråyter|disbråyter]] Mots d' aplacaedje : * [[Motî:bråye di tchet|bråye di tchet]] * [[Motî:bråye di coucou|bråye di coucou]] ---- * [[refaxhaedje|Dipus d' racsegnes so les bråyes des efants]] [[Categoreye:Motî]]