brimbåde [f.n.] boket, firlotche. Si cote n' est k' ene brimbåde. Il aléve faleur des moes po rmete les brimbådes eshonne (L. Mahin). Coucou, mazindje, Ki ti n' tén dj', T' as magnî m' tåte A brimbådes; ti mel rindrès A ptits bokets Ou ti m' dirès Cwand dji m' mareyrè. (xhinaedje do xhufla del mazindje) On dit eto: brigosse. F. lambeau, bribe, guenille. >> aler, toumer a brimbådes: si disfirlotchî. Vosse cote va tote a brimbådes. Mi pantalon toume a brimbådes. Kession : est çk' ene sakî a pus d' informåcions so ci fime la, ca m' memwere eva a brimbådes, come vos voeyoz, et dji n' mi sovén cåzu did rén (L. Hendschel). F. s'effilocher, s'effiler. >> esse tot a brimbådes: esse tot a clicotes. On dit eto: disclicoté, dislocté, disfirlotchî, a lokes, a firlotches, a fligotes F. déguenillé, en guenilles, en haillons.

Etimolodjeye : latén d' eglijhe "breviarium" (breviaire), cawete -åde.

| brimborea [o.n.] pitite sacwè sins grande valeur. F. bibelot, brimborion.

Etimolodjeye : cawete -ea.

| brimborion [o.n.]

1. pitit mwinre ome. Dji n' a nén peu d' on brimborion parey. F. minus.

2. cantea. Il a fwait totes les plaeces, ene a ene, då gurnî disk' al cåve : caressî les meubes, drovi les dresses et les ridants, rabressî trinte-shijh brimborions ki lyi cåzèt d' leye (A. Henin). On dit eto: bidon, agayon, clicotea. F. ustensile.

| brimboriom

1. disdu. F. confusion, cahot, désordre.

2. drole di maxhaedje F. mélange.