brouhire [f.n.] 1. basse plante avou on bwejhleus buk, et des belès ptitès violêyès fleurs, ki vént dins les teres a såvlon et a schayisse, ki florixh al fén d' l' esté, e sincieus latén, Erica vulgaris. Il alént côper del brouhire po stierni les biesses. Fåt vey les påvions tcheryî del brouhire ås djniesses et des djniesses å jeraniom des bwès ([http://rifondou.walon.org/chastelet.html#mazete L. Chastelet]). rl a: [[Motî:blanke brouhire|blanke brouhire]]. >> få d' brouhire: få a court mantche, sins pougneye, po-z aler soyî ås brouhires. >> pupe di brouhire: sôre di pupe fwaite avou li bwès des raecene di brouhire. >> del låme di brouhire: låme di moxhes ki les tchetoeres sont so on payis d' brouhires. 2. plaece ki ç' plante la î crexhe. On rashonne les djonneas des moxhes a l' låme ki n' ont rén fwait, et on evoye les tchetoeres a l' brouhire po k' ele î ramassexhe leu provuzion. Les bierdjîs ramassént les berbis do viyaedje et lzès moenner dins les brouhires (Boulard). rl a: [[Motî:hé|hé]]; rl a: [[Motî:cok di brouhire|cok di brouhire]]. >> aler ramper l' brouhire: ? (spots Lucy; dimander a Louwis Baidjot) >> a Brouhire: no d' ene plaece d' Atrivå, so plaece Brouyîre. rl a: [[Motî:Les Brouhires|Les Brouhires]]. >> Des croes dins les brouhires: no d' on [http://rifondou.walon.org/wartike_croes.html live da Wartique & Thirionet], ki raconte li vicåreye d' on prijhnî e l' Almagne tins del guere 1914-1918. Disfondowes: brouwîre, brouhîre, brouwêre, bruwêre, broûyére, broûyère, brôyère, bruwêre, brouwî, brèyîre, broûyîre, brouyîre, bruwîre, broû.îre, brou.îre, brôⁿ.yîre. Etimolodjeye: bodje "brouh" (latén "brucus", minme sinse; rl a: [[Motî:brouhî|brouhî]]), avou li H k' a fondou, et l' ahiket ristopé di pa W; cawete -ire.