Li rfondaedje di ç' mot ci a candjî sol Wiccionaire, et divni "brouwire"

brouhire [f.n.]

1. basse plante avou on bwejhleus buk, et des belès ptitès violêyès fleurs, ki vént dins les teres a såvlon et a schayisse, ki florixh al fén d' l' esté, e sincieus latén, Erica vulgaris. Il alént côper del brouwire po stierni les biesses. Fåt vey les påwions tcheryî del brouwire ås djniesses et des djniesses å jeraniom des bwès (L. Chastelet). rl a: blanke brouhire. >> få d' brouwire: få a court mantche, sins pougneye, po-z aler soyî ås brouwires. >> pupe di brouwire: sôre di pupe fwaite avou li bwès des raecene di brouwire. >> del låme di brouwire: låme di moxhes ki les tchetoeres sont so on payis d' brouwires.

2. plaece ki ç' plante la î crexhe. On rashonne les djonneas des moxhes a l' låme ki n' ont rén fwait, et on evoye les tchetoeres a l' brouwire po k' ele î ramassexhe leu provuzion. Les bierdjîs ramassént les berbis do viyaedje et lzès moenner dins les brouwires (Boulard). rl a: hé; rl a: cok di brouwire. >> aler ramper l' brouhire: >> a Brouhire: no d' ene plaece d' Atrivå, so plaece Brouyîre. rl a: Les Brouwires. >> Des croes dins les brouwires: no d' on live da Wartique & Thirionet, ki raconte li vicåreye d' on prijhnî e l' Almagne tins del guere 1914-1918.

Disfondowes: brouwîre, brouhîre, brouwêre, bruwêre, broûyére, broûyère, brôyère, bruwêre, brouwî, brèyîre, broûyîre, brouyîre, bruwîre, broû.îre, brou.îre, brôⁿ.yîre.

Etimolodjeye: bodje "brouh" (latén "brucus", minme sinse; rl a: brouhî), avou li H k' a fondou, et l' ahiket ristopé di pa W; cawete -ire.