broxhûle u broxhire

I. [addj., purade padvant & o.f.n.]

1. k' i s' poite bén sins waire magnî, ki magne did tot. C' est on broxhûle efant, i mindje tot çk' on lyi prezinte. C' est on broxhire: to lyi freus magnî tot çou ki t' vous. Contråve : nareus. F. frugal, rustique.

2. k' i s' poite bén tot magnant ene pôve nouriteure, tot djåzant d' ene raece di biesses; ki n' dimande waire d' etertinaedje, tot cåzant d' ene usteye. Les bedots, c' est des broxhirès biesses. Ces ptitès Francesses la, c' est des biesses mo broxhires, la, ça. Ene calachnicof, c' est on pô come on fal, mins bråmint pus broxhire. Vos l' poloz eterer dins l' såvion et li rpasser cwire deus moes après, ele est co todi presse a tirer. F. rustique, résistante.

3. ki magne raddimint tolminme kén amagnî. Il est broxhire, i magnreut des clås. L' eure n' est pus a les reves si broxhires (D. André). F. goulu, vorace.

4. nén bén travayî, tot djåzant d' on meube. I rifjjhèt des broxhirès tåves, po les cåbarets, a môde did dinltins. F. champêtre rustique.

5. ki n' fwait nén bén si ovraedje, tot djåzant d' ene djin. C' est on broxhire po fé ene sacwè. Loukîz a : halcotî. F. maladroit, peu consciensieux.

6. ki n' mete pont d' want, ki dit çou ki pinse. Il ont prin èn ôte docteur, on grand broxhire, ki n' l' a nén leyî fé totes ces comedeyes la, la , lu (A. Laloux). F. naturel spontané.

7. grossî (ire), må aclevé (êye). I vs parexhrè on pô broxhire, mins å fond c' est on cour d' ôr. F. grossier, rustre, malappris, balourd, paysan. ., sans finesse, sans éducation, rustre, e malappris, e balourd

Disfondowes: brochûle, brochîre, brouchîre, brohûle, brouchîle

II. [adv.] sins fé d' inbaras. A leu måjhon, i magnèt broxhire. F. frugalement, naturellement.

Etimolodjeye : bodje brouxhe, cawetes -ûle & ire.

| broxhûlmint u broxhirmint [adv.] d' ene broxhire manire. Il a dessiné broxhirmint les cwate plaeces-bas, et i n' a nén ddja mårké l' eplaeçmint des ouxhs. F. grossièrement, gauchement, sommairement.

| broxhûlté u broxhirté cwålité u dfåt d' ene broxhire sakî, d' ene broxhûle sacwè. Li broxhirté, c' est ene cwålité po les biesses avårla; on n' a nén dandjî d' cou d' polin. F. rusticité, grossièreté, frugalité.