côper ([[Codjowaedje bouter|codjowaedje]]) [v.c.]
1. [[Motî:taeyî|taeyî]] dins (ene sacwè) po ndè fé des bokets. F. couper.
>> côper on liård e cwate: rl a: [[Motî:liård|liård]].
>> côper ene çanse e deus: rl a: [[Motî:çanse|çanse]].
>> I côpreut on [[Motî:sô 2|sô]]° e deus.
2. [[Motî:ameder|ameder]]. Si tchet divna on prince charmant ki lyi djha: dji so seur ki t' rigretes di m' aveur fwait côper! ([[H. Lepage]]). F. castrer, émasculer.
côpaedje [o.n.]
1. no d' fijhaedje et no di çou k' est fwait (accion eyet si adierça) pol viebe “côper”. F. coupe, coupage, section, sectionnement, castration, émasculation.
2. (mot d’ houyeu) boket del [[Motî:voenne|voenne]] la k’ on rsaetche li tcherbon, po poleur fé ene taeye. On dit eto: côpeure.
| côpeu,
côpeuse u
côpresse [o.f.n.] li ci (cene) ki côpe. Il ont toumé so des côpeus d' tiesse. F. coupeur.
>> côpeu å bwès: [[Motî:bokion|bokion]] ki fwait les coides di bwès, tot ctaeyant les åbes abatous. F. bûcheron.
côpeu å bwès [o.n.]
>> côpeu d’ boûsse: voleu, [[Motî:hapeu|hapeu]]. F. bandit, voleur.
>> côpeu d’ voye: (mot d’ houyeu) ovrî ki mete les [[Motî:bwejhreye|bwejhreyes]] ås [[Motî:måjhire|måjhires]] et å toet, po [[Motî:waeranti|waeranti]] l’ ovraedje des ovrîs d’ taeye.
>> Côpeus d’ cawe al bourike: sipotaedje des cis d’ [[Motî:Mariyambour|Mariyambour]].
| côpmint [o.n.]
1. côpaedje.
2. (mot d’ houyeu) inglêye del [[Motî:taeye|taeye]] metou å dzeu, et ki divneut on rtoû d’ air. C' est èn ovrî come twè k' i m' faleut å côpmint ([[L. Mahy]]).
3. (mot d’ houyeu) côpaedje ki l’ ovrî al voenne fwait sol dizeu po-z abate li restant. Li côpmint, c’ est co l’ pus deur di l’ ovraedje di l’ ovrî al voenne; cwand l’ côpmint est fwait, l’ ovrî al voenne a fwait a mitan (ramexhné pa [[J. Haust]]).
Tcherpetaedje : [[cawete -mint]].
| côpeure [f.n.]
1. plaece k’ on s’ a côpé. Loukîz a : coixheure. F. coupure.
2. (mot d’ houyeu) côpaedje (boket del voenne la k’ on rsaetche li tcherbon, po poleur fé ene taeye).
Tcherpetaedje : [[cawete -eure]].
| côprece [addj., todi padrî] ki côpe, k' a a vey avou l' côpaedje d' ene sacwè.
>> fier côprece: ricepe des soyeus d' long. On dit eto: [[Motî:rifindrece|rifindrece]]. F. scie de scieur de long.
Tcherpetaedje : [[cawete -rece]].
----
* [[soyeu d' long|Dipus d' racsegnes so les fiers côpreces]]
* [[houyire|Dipus d' racsegnes so les côpmints dins les houyires]]