[[Imådje:coori.jpg|thumb|ene hourêye di côrîs]] [[Imådje:coori_rawyi.jpg|thumb|des côrîs rawyîs på djibî]] côrî [o.n.] bouxhon ki crexhe dins les bwès, e sincieus latén Coryllus avellana, et ki dene des noejhes (des noejhetes). rl a: [[Motî:noejhî|noejhî]], [[Motî:noejhtî|noejhtî]]. F. coudrier, noisetier. >> on topet u ene hourêye di côrîs: tos les montants d' côrîs ki djetèt so on minme sito. >> noer côrî: havurna (Sorbus aucuparia). Etimolodjeye: latén coryllus (minme sinse). | côre [f.n.] 1. baguete di côrî, po fé des håres u po schinler. On-z aléve ås côres divant l' ivier, pus on les leyive breni, po les schinler tins d' l' ivier. Po l' bati do panî, to vierdjeyes deus côres, po fé les deus cekes ([[L. Mahin]]). rl a: [[Motî:håre|håre]]. >> aler ås côres u aler code des côres: els aler côper so les côrîs. >> on fwè d' côre: ene bote di côres. >> schinon d' côre: schinon. 2. baston d' côrî. To n' as k' a cweri après ene bele côre po fé on mantche di merlin. 3. (såvadje) côre: a) côrî des bwès, eneviè li noejhî des cortis. b) havurna (Sorbus aucuparia). >> al Côre: no d' plaece di [[Motî:Rotchô|Rotchô]], d' [[Motî:Erpint|Erpint]]. | côrete I. [f.n.] 1. pitit côrî. >> ås Côretes: no d' plaece di [[Motî:Bietris|Bietris]]. 2. (pitite) côre. 3. (pa-z acmaxhaedje, a cåze do codaedje des håre so les deus åbes) [[Motî:havurna|havurna]] (Sorbus aucuparia). >> poes d' côrete: petche di havurna. 4. rinne côrrece. 5. bwès d' côrîs. >> su la Côrete: no d' plaece di Rcogne. >> Koeruit (Côrete): no d' plaece d' Opwijk (Flande). >> Koereit: (Côrete) no d' plaece d' Asse (Flande). >> Colrute: no d' famile di Flande, e F. Colruyt, Corluy; djins ki provnént di Koeruit u Koereit. II. [addj.] dins l' ratourneure: rinne côrete: rl a: [[Motî:rinne|rinne]]. | côroe [f.n.] (v.v.m.) bwès d' côrîs. >> e Côreu: no d' plaece di [[Motî:Djalhé|Djalhé]]. >> å Côrû: no d' plaece di Flostwè. >> Coûroû: hamtea d' Érine. | côrea [o.n.] 1. pitit côrî. 2. pitit bwès d' côrîs. >> e Côrê: no d' plaece di Hôdî. >> Lu Côrê: rew di Dåvdisse. >> Côria: no d' plaece di Warjou. Disfondowes: côrê, côria. | côrire [f.n.] (v.v.m.) bwès d' côrîs. rl a: [[Motî:Côrire|Côrire]]. | côrinne [f.n.] (v.v.m.) bwès d' côrîs. rl a: [[Motî:Côrinne|Côrinne]]. | côrnale [f.n.] (v.v.m.) pitit bwès d' côrîs. >> Cornele: hamtea di Ståve. Disfondowes: côrnèle. Etimolodjeye: bodje côre, dobe cawete inne + ale. | côrêye [f.n.] (v.v.m.) bwès d' côrîs. >> ås Côrêyes: no d' plaece di Djåce. | côrot [o.n.] (v.v.m.) 1. pitit côrî. 2. pitit bwès d' côrîs. >> Ou / Lu Côrot: no d' plaece di Transene. | côrioûle [f.n.] (v.v.m.) 1. pitit côrî. 2. pitit bwès d' côrîs. >> a Corioûle: hamtea d' Assesse. Disfondowes: côrioûle, côriole. Parintêye : * [[Motî:côrer|côrer]] * [[Motî:côrrece|côrrece]] Mots d' aplacaedje : * [[Motî:Delcôre|Delcôre]] * [[Motî:Cwareme|Cwareme]] * [[Motî:Côroe|Côroe]] * [[Motî:Côroe-l'-Grand|Côroe-l'-Grand]]