cabolé, êye [addj. & o.f.n.] sôre di biesse k' a des grandès taetches di coleur so s' pea. Il aveut èn aprovijhî coucou; i lyi djheut: "Cabolé, fwai ti ovraedje !" (G. Lucy). Mitan d' Cok a rescontré on ptit cabolé rosse tchén, et lyi dire: ti vou dju conter ene fåve ? (ramexhné pa J. Weber). rl a: [[Motî:cadjolé|cadjolé]], [[Motî:cabriyolé|cabriyolé]], [[Motî:cabåré|cabåré]], [[Motî:agaesse|agaesse]], [[Motî:caflori|caflori]], [[Motî:bistatchî|bistatchî]]. F. tacheté(e); bariolé(e), pie. >> cabolé bleu, cabolêye bleuwe: sôre di vatche avou des bleuwès taetches. rl a: [[Motî:blanc-bleu|blanc-bleu]], [[Motî:BBB|BBB]]. F. pie-bleu. [http://rifondou.walon.org/bbb.html Dipus d' racsegnes so l' raece cabolêye bleuwe]. >> cabolé (êye) rodje: sôre di vatche avou des rodjès taetches. F. pie-rouge. >> cabolé (êye) noer(e): sôre di vatche avou des noerès taetches. rl a: [[Motî:Ostine|Ostine]]. F. pie-noire. >> Gn a pont d' cabolêyès vatches ki n' åyénxhe des taetches: on n' pout nén aveur ene sacwè et s' contråve (li definixha d' ene cabolêye vatche, c' est k' elle a des taetches). Franwal: ahåyant po: avoir les défauts de ses qualités. >> On n' djåze nén d' on cabolé vea, s' i n' a nole taetche: Cwand on vs codjåze ene sakî, gn a todi on fond d' vraiy dins les rapoitroûles k' on dit so s' conte. I parexhe k' i bate li feme.:: Åy mins les djins cåzèt bråmint, et c' est nén todi l' vraiy.:: Schoûte bén, cwand on cåze d' on cabolé vea, c' est k' il a des taetches ! Etimolodjeye: bodje bole, betchete ca- (k' a totès boles so s' pea). Coinrece Basse Årdene. | caboleure [f.n.] taetche naturale sol pea d' ene cabolêye biesse. Ci n' est nén ç' vatche la: li cene ki dji vs dit aveut des caboleures so les coisses. Li fotosinsibilijhance, est come on côp d' solea k' ele n' atrapèt ki foû des caboleures. rl a: [[Motî:cabåreure|cabåreure]]. Disfondowes: cabolûre, caboulûre, caboleure.