caloner (codjowaedje) [v.c.] & [v.s.c.] 1. saetchî des bolets d' canon (so ene matowe palece). L' onzinme djoû, nos les calonîs Avou saze moirtîs, furieuzmint (Paskeye do sidje di Viene). F. canonner.

2. hiner des ôtes sacwès, po acsure ene djin, ene plaece. I calonnut avou des boles di nive Loukîz a : agåxhner. F. bombarder.

3. (å fotbal) choter on fel côp sol balon. F. tirer en puissance.

| calonaedje [o.n.] no d' fijhaedje et no di çou k' est fwait (accion eyet si adierça) pol viebe "caloner". Li vwès s' pierdeut dins l' trayin do calonaedje eyet des sôdårds ki criyént dins l' grijhe ignire (L. Hendschel). F. cannonade, canonnage, bombardement, tir puissant.

| caloneu, caloneuse u calonresse [o.f.n.]

1. li ci (cene) ki calone

2. li ci (cene) ki chote foirt, å fotbal. On dit eto: on fel choteu, on rlayeu, on tcheneu.

Etimolodjeye : bodje canon, avou ridaeje N = L.