canicoules [f.n.t.pl.] 1. waernu (termene do 15 di djulet å 15 d' awousse). Cwand c' esteut ås canicoules, e moes d' djulete, don, li pwin n' si wårdéve nén (ramexhné pa L. Mahin). >> ås canicoules, on-z avance et pus on rcoule: On-z avance dins l' esté eyet l' tcholeur, mins on rcoule dins l' longueur do djoû. 2. må-estance ki ces tcholeurs la sont d' cåze. Kénès canicoules: dj' åreu ene aiwe divant mi, dji m' fote didins. F. torpeur. >> C' est co pé k' les canicoules: C' est ene grande rascråwe. Franwal: ahåyant po: C'est pire que la peste. >> Cwand k' c' est, ô, les canicoules ? c' est cwénze djoûs dvant eyet cwénze djoûs après: pou dire ki les canicoules sont foirt zinieuses, ki ça candje d' ene anêye a l' ôte. Disfondowes: (les) canicules, (les) canëkëles, (la) canicule, (lu) canicule, (les) canicoules. Etimolodjeye: latén caniculus (pitit tchén), no del sitoele Sirius, ki s' live et s' coûtchî avou l' solea å 21 di djun, a hôteur do Caire. | canicouleus, e [addj.] k' a-st a vey avou les canicoules. Ene tcholeur canicouleuse. F. caniculaire, torride, tropical. Disfondowes: caniculeus, e, canicouleus, e.