chîler ([[Codjowaedje bouter|codjowaedje]]) [v.s.c.] fé ôre on brut ki rshonne a "chî", tot djåzant d' ene sacwè ki [[Motî:rider|ride]], copurade:
1. do vint, d' ene sacwè ki passe roetebale e l' air. On etind l' vint chîler pa l' craeye di l' ouxh. Les bales chîlént a nos orayes. Loukîz a: [[Motî:zûner|zûner]], [[Motî:shofler|shofler]], [[Motî:xhufler|xhufler]]. F. siffler.
2. d' ene aiwe ki court. F. chuinter.
3. d' ene oraye malåde. I gn a mi oraye ki chîle: est ç' po ene boune novele ou po ene mwaijhe ? Au plin mitan d’ on fel betch, ses orayes ont chîlé; po k’ ça s’ djoke, il a hagnî l' betchete di s' linwe ([[J. Schovaerts]]). Loukîz a: [[Motî:zûner|zûner]], [[Motî:brutyî|brutyî]], [[Motî:maltoner|maltoner]], [[Motî:gruziner|gruziner]]. F. bourdonner, bruire.
4. d' èn amagnî ki cût dins l' ôle. Les fritches comincèt a chîler. Loukîz a: [[Motî:chîloter|chîloter]]. F. grésiller.
>> fé chîler des kertons: les fé cure tot doûçmint. Loukîz a: [[Motî:rivni|rivni]]. F. faire revenir.
>> fé chîler l' payele (u: li paile): aprester ene boune eurêye.
>> Avou l' forteune, on pout fé chîler l' paile a l' deure et a l' tinre lune: cwand on-z a del tchance, on-z a todi des cwårs assez po s' payî des cråssès eurêyes.
5. (imådjreçmint) aler raddimint (tot djåzant d' èn ovraedje). L' ovraedje chîle, valet, enute ! F. filer, avancer.
6. èndaler e corant (tot djåzant d' ene djin). Chîlez par la, divant k' i n' vos veyénxhe ! Loukîz a: [[Motî:peter evoye|peter evoye]]. F. déguerpir, se barrer.
7. rider djus, tot djåzant d' ene masse di tere. F. s'ébouler.
Etimolodjeye : [[etimolodjeye latene|latén]] "cisculare" [[[FEW]] '''2.''' 711-4, cité dins l' [[ALW]] 9.]
| chîlaedje [o.n.] no d' fijhaedje et no di çou k' est fwait (accion eyet si adierça) pol viebe "chîler". Loukîz a: [[Motî:pîlaedje|pîlaedje]], [[Motî:zûnaedje|zûnaedje]], [[Motî:brutiaedje|brutiaedje]]. F. sifflement, grésillement, bourdonnement, chuintement, chuchotement, bruissement, murmure, progression rapide, fuite, glissement de terrain.
| chîlêye [f.n.] çou ki chîle, u ki fwait des bouyotes come åk ki chîle, copurade:
1. gaz ki rexhe d' on [[Motî:touwiea|touwiea]]. Il è sôrteut ene di chîlêye pa l' fwite ! F. jet.
2. grosse [[Motî:walêye|walêye]]. Nos avans atrapé ene chîlêye so nosse dos. I tchait chîlêye so chîlêye. F. averse.
3. trinnêye di [[Motî:schoume|schoume]] dins l' aiwe ki court, di [[Motî:nouwêye|nouwêyes]]. So nosse Virwin, ene blanke chîlêye, Tote e firlotches, rebolotêye, S' estind, si scheut, doûçmint sins brut ([[Simone del Golete]]). F. traînée.
4. çou ki cût a l' ôle. F. friture.
5. vere di bire k' on tchôke ene [[Wikt:graweye|graweye]] tchåfêye å rodje divins.
6. coraedje après ene sakî. Il esteut a mes pemes, dji lyi a fotou ene chîlêye, el faleut vey peter å diåle. F. chasse, poursuite.
7. mwais cwårt d' eure a passer a s' fé [[Motî:barboter|barboter]]. Vos nd alez atraper ene di chîlêye di vosse mame. F. réprimande, reproche, correction, semonce.
8. binde d' efants ki chîlèt d' tos les costés, nouwêyes ki passèt. Loukîz a: [[Motî:pekêye|pekêye]], [[Motî:hierdulêye|hierdulêye]], [[Motî:trope|trope]]. F. bande, ribambelle.
9. [[Motî:rîlêye|rîlêye]]. I m' a traité d' ene chîlêye di nos d' tchén. F. série, cascade, kyrielle, chapelet.
>> a l' chîlêye: raddimint, onk après l' ôte. F. à la file, en succession rapide.
10. fé chîlêye: fé bisbisse. Loukîz a: [[Motî:biscalalê|biscalalê]], [[Motî:aminour|aminour]], [[Motî:loulourd|loulourd]].
'''11.''' [[Motî:sipêye|sipêye]] do tchår (ki [[Motî:tchîper|tchîpe]], tot ridant sol [[Motî:londje|londje]]). F. "sassoire". [[[ALW]] '''9.''', notule 66.]
| chîlåd,
chîlåde [addj.] onk, ene ki chîle (ki pete evoye) po rén, d' aveur peu. Loukîz a: [[Motî:couyon|couyon]], [[Motî:schitåd|schitåd]], [[Motî:tchiyåd|tchiyåd]], [[Motî:vessåd|vessåd]]. F. peureux (euse).
| chîlete 1 [f.n.] plate pirete ki chîle e l' air cwand on l' hene di totes ses foices.
>> fé rdjibler les chîletes so l' aiwe: djeu d' efant. Loukîz a : [[Motî:molinea|molinea]]. F. ricochet.
Pwaire minimom :
* [[Motî:xhilete|xhilete]] (sounete)
----
* [[tchår|Dipus d' racsegnes sol chîlêye et les ôtès pîces do tchår]]
== Sourdants ==
[[Categoreye:Motî]]