{{Wiccionaire-motî|cherbiner}}
<FONT COLOR="#ff0000"><B>cherbiner</B></FONT> ([[Codjowaedje copiner|codjowaedje]]) 

<B>I.</B> [v.s.c.] 

<B>1.</B> [[Motî:grawyî|grawyî]]. <I>Cwè av' a cherbiner dins l' feu !</I> <I>I fåt todi k' i cherbene e li stouve avou l' graweye </I>([[Motî da Gilliard]]). Loukîz a : [[Motî:tijhner|tijhner]]. <span lang=fr>F. gratter, tisonner.</span>

<B>2.</B> greter al tere (tot djåzant d' ene biesse). <I>Li poye cherbene dins l’ansinî.</I> <I>Les poyes cherbinèt dins l' tere </I>([[Motî d' Bastogne]]). <I>I cherbinèt a s' distchåssî les doets.</I> <I>Nosse tchivå a l' tins lon; waite coume i cherbine. <I>Li vatche est assawêye : ele cherbene po-z aler pus lon.</I> <I>Li torea cmince a s' côrcyî: i cherbene.</I> <span lang=fr>F. gratter le sol.</span>.

<B>3.</B> [[Motî:råyî|råyî]] del yebe, des plantes avou ses mwins. <I>Louke come i cherbene ås cécoreyes !</I> <span lang=fr>F. arracher.</span>. 

<B>4.</B> tchipoter a tot, naxhî pattavå. <I>Cwè çki t' cherbenes la ?</I> <I>Gn av' on tchén ki cherbinéve vaila.</I> <I>I vént cherbiner dins mes afwaires </I>(ramexhné pa [[J.M. Pierret]]). <I>Mi, dji voyaedje dins tot l' payis Et dj' cherbene dins tos les cortis (dit-st ele li gréve al cavale) </I>([[P. Otjacques]]). <span lang=fr>F. fouiner, fouiller, chipoter, fureter.</span>.

<B>5.</B> bodjî toltins<I>Arestêye di cherbiner !</I> <span lang=fr>F. remuer, s' agiter.</span>.

<B>6.</B> [[Motî:bouter|bouter]] foirt. <I>I pout bén cherbiner s' i vout aveur tot fwait.</I> <I>I fåt bén cherbiner po viker </I>(ramexhné pa [[J.M. Pierret]]). <I>Les mwaisses s' amuzént a Brussele et les mandayes cherbinént dins les beurs, les fosses et les cårires </I>([[L. Mahin]]). <span lang=fr>F. bosser, travailler durement, trimer.</span> 

<B>7.</B> passer s' tins a rén. Loukîz a : [[Motî:balziner|balziner]], [[Motî:holer|holer]]. <span lang=fr>F. flâner.</span>

<B>II.</B> [v.c.] 

<B>1.</B> [[Motî:pesteler|pesteler]] ene [[Motî:dinrêye|dinrêye]]. <I>Vla on grin k' est tot cherbiné.</I> <span lang=fr>F. fouler, piétiner.</span>. 

<B>2.</B> [[Motî:haper|haper]] ene sacwè a (ene djin); [[Motî:emantchî|emantchî]] (ene sakî). <I>Dji m' a leyî cherbiner di ç' pindârd la </I>([[Motî da Forir]]). <span lang=fr>F. filouter, chaparder, escroquer.</span>

<B>3.</B> discramyî del linne. <I>On plouze li linne, ça vout dire : on l' cherbene, on l' disnuke </I>([[Fond di dnêyes di l' Årdene nonnrece]]). <span lang=fr>F. carder.</span>

| <FONT COLOR="#ff0000"><B>cherbinaedje</B></FONT> [o.n.] no d' fijhaedje et no di çou k' est fwait (accion eyet si adierça) pol viebe "cherbiner". <span lang=fr>F. grattage, fouille, boulot, travail intense, , chipotage, filouterie, escroquerie, rapine.</span>
<FONT COLOR="#0000ff">>>&nbsp;martchet d' cherbinaedje:</FONT> pitit hopea d' tere k' on rtrove la k' on-z a cweri d' l' ôr. <span lang=fr>F. tertre d'orpaillage.</span>&nbsp;<ref><SMALL>noû sinse atåvlé pa [[L. Mahin]] dins "Waldim" p. 206 (''xhärpiynädje'').</SMALL></ref> 

| <FONT COLOR="#ff0000"><B>cherbineu</B></FONT>, 
<FONT COLOR="#ff0000"><B>cherbineuse</B></FONT> u 
<FONT COLOR="#ff0000"><B>cherbinresse</B></FONT> [o.f.n.] li ci (cene) ki cherbene. <span lang=fr>F. gratteur, chercheur d'or, bosseur, travailleur, flâneur, dureteur, floueur, trompeur, escroc, filou.</span>

| <FONT COLOR="#ff0000"><B>cherbinreye</B></FONT> [f.n.] 

<B>1.</B> [[Motî:emantchreye|emantchreye]]. <span lang=fr>F. chipoterie, filouterie, escroquerie.</span>

<B>2.</B> <FONT COLOR="#ff0000">cherbinreye a l' ôr, ås diyamants</FONT> : plaece k' on grete dins tere po trover ene sacwè di grande valeur. <I>Les FPR-îs alént poujhî ene miete dins les cherbinreyes ås diyamants, po leus dringueles </I>([[L. Mahin]]).&nbsp;<ref><SMALL>dins [[Li batreye des cwate vints (roman)|Li batreye des cwate vints]] (''xhaerbinreye'').</SMALL></ref> <span lang=fr>F. champ diamantifère.</span> <span lang=fr>F. champ aurifère, diamantifère.</span>

| <FONT COLOR="#ff0000"><B>cherbinåde</B></FONT> [f.n.] plaece a tere la k' ene djin a ridé, k' ene biesse a greté, k' ene oto a bolé. Loukîz a : [[Motî:hetche|hetche]], [[Motî:hertchåde|hertchåde]]. <span lang=fr>F. glissade, trace, traînée.</span>

== Etimolodjeye et tcherpetaedje== 
;cherbiner : bodje [[etimolodjeye francike|francike]] <span lang=de>"skrepan"</span> ([[Motî:greter|greter]], [[Motî:screper|screper]]).&nbsp;<ref><SMALL>sorlon [[J. Haust]]. Li disfondowe "''kerpiner''", c' est dandjreus on [[picårdijha]], on mot råle, kécfeye d' on clicotî do Hinnôt, noté pa Grandgagnage ("''fouiller avec un crochet comme font les chiffonniers''"), et rcopyî onk après l' ôte pa Forir, Haust et Stasse. I n' est rprins pa nou diccionaire "indepindant" do [[payis d' Lidje (diyalectolodjeye)|payis d' Lidje]] (E34, E167, E200, E212, E213). Mins, a cåze di cisse fôme la "kerpiner", l' etimolodjeye fourit foirt dispitêye. Loukîz l' teze da [[J.M. Pierret]], "''La Maison rurale''" p. 274-275, u l' racourti dins l' [[Motî d' Bastogne]] a "''cherbiner''".</SMALL></ref> 
;cherbinreye : [[cawete -reye]]
;cherbinåde : [[cawete -åde]]

== Mots vijhéns ==
Mots avou des sinses vijhéns, et ene tcherpinte di cossounes foirt rishonnante :
* [[Motî:harbouyî|harbouyî]]
* [[Motî:hårpiyî|hårpiyî]]
* [[Motî:cherper|cherper]]

== Sicrijhas ezès motîs == 
;cherbiner : cherbiner [S100, S111, S117], chèrbiner [O0, C106, C100, S0], chèrbinè [C1, C13, C100, S24, S105], kèrpiner [E1, E170], kerpiner [G0], kèrpiné [E203], tchèrpiner [S5], tchèrbiner [C106]; nén dins E34, E167, E200, E212, E213, C57.
;cherbinaedje : chèrbinadje [C106], kèrpinèdje [E1, E170], kerpinech [E203]
;cherbineu : kèrpineû, -eûse, -erèsse [E1], kerpineû, eûse, ress [E203]
;cherbinreye : kerpinnrèie [E203]&nbsp;<ref><SMALL>Loukîz al [[Djivêye des motîs]].</SMALL></ref> 
;cherbinåde : cherbinade [S100], chèrbinâde [S105]

== Sourdants ==
<References/>