cherbiner (codjowaedje)

I. [v.s.c.]

1. grawyî. Cwè av' a cherbiner dins l' feu ! I fåt todi k' i cherbene e li stouve avou l' graweye (Motî da Gilliard). Loukîz a : tijhner. F. gratter, tisonner.

2. greter al tere (tot djåzant d' ene biesse). Li poye cherbene dins l’ansinî. Les poyes cherbinèt dins l' tere (Motî d' Bastogne). I cherbinèt a s' distchåssî les doets. Nosse tchivå a l' tins lon; waite coume i cherbine. Li vatche est assawêye : ele cherbene po-z aler pus lon. Li torea cmince a s' côrcyî: i cherbene. F. gratter le sol..

3. råyî del yebe, des plantes avou ses mwins. Louke come i cherbene ås cécoreyes ! F. arracher..

4. tchipoter a tot, naxhî pattavå. Cwè çki t' cherbenes la ? Gn av' on tchén ki cherbinéve vaila. I vént cherbiner dins mes afwaires (ramexhné pa J.M. Pierret). Mi, dji voyaedje dins tot l' payis Et dj' cherbene dins tos les cortis (dit-st ele li gréve al cavale) (P. Otjacques). F. fouiner, fouiller, chipoter, fureter..

5. bodjî toltinsArestêye di cherbiner ! F. remuer, s' agiter..

6. bouter foirt. I pout bén cherbiner s' i vout aveur tot fwait. I fåt bén cherbiner po viker (ramexhné pa J.M. Pierret). Les mwaisses s' amuzént a Brussele et les mandayes cherbinént dins les beurs, les fosses et les cårires (L. Mahin). F. bosser, travailler durement, trimer.

7. passer s' tins a rén. Loukîz a : balziner, holer. F. flâner.

II. [v.c.]

1. pesteler ene dinrêye. Vla on grin k' est tot cherbiné. F. fouler, piétiner..

2. haper ene sacwè a (ene djin); emantchî (ene sakî). Dji m' a leyî cherbiner di ç' pindârd la (Motî da Forir). F. filouter, chaparder, escroquer.

3. discramyî del linne. On plouze li linne, ça vout dire : on l' cherbene, on l' disnuke (Fond di dnêyes di l' Årdene nonnrece). F. carder.

| cherbinaedje [o.n.] no d' fijhaedje et no di çou k' est fwait (accion eyet si adierça) pol viebe "cherbiner". F. grattage, fouille, boulot, travail intense, , chipotage, filouterie, escroquerie, rapine. >> martchet d' cherbinaedje: pitit hopea d' tere k' on rtrouve la k' on-z a cweri d' l' ôr. F. tertre d'orpaillage. ^[1]

| cherbineu, cherbineuse u cherbinresse [o.f.n.] li ci (cene) ki cherbene. F. gratteur, chercheur d'or, bosseur, travailleur, flâneur, dureteur, floueur, trompeur, escroc, filou.

| cherbinreye [f.n.]

1. emantchreye. F. chipoterie, filouterie, escroquerie.

2. cherbinreye a l' ôr, ås diyamants : plaece k' on grete dins tere po trover ene sacwè di grande valeur. Les FPR-îs alént poujhî ene miete dins les cherbinreyes ås diyamants, po leus dringueles (L. Mahin). ^[2] F. champ diamantifère. F. champ aurifère, diamantifère.

| cherbinåde [f.n.] plaece a tere la k' ene djin a ridé, k' ene biesse a greté, k' ene oto a bolé. Loukîz a : hetche, hertchåde. F. glissade, trace, traînée.