chife [o.n.] 1. sene eployî po rprezinter les nombes, les limeros. On chife est a on nombe çou k' ene lete est a on mot. Louke come i fwait des beas chifes. >> aprinde ses chifes: aprinde li cårcul. >> on zero an chife: on biesse, on nolu. I m' a fwait passer po on zero an chife, rl a: [[Motî:catanchife|catanchife]]. >> broker ås chifes: dire pus hôt k' èn ôte, dins ene hôsse. F. surenchérir. Pondants eyet djondants: >> Chifes pol sicrijhaedje des nombes e båze 10: 0, 1, 2, 3, 4, 5, 7, 8 eyet 9. >> Chifes e båze 2 (nombes binaires): 0 eyet 1. >> Chifes e båze 16: chifes et letes do sistinme egzadecimå, foirt eployî dins les copiutreces: 0, 1, 2, 3, 4, 5, 6, 7, 8, 9, A, B, C, D, E eyet F. >> Chifes romins: chifes eployîs do tins des Romins po scrire les nombes, et ki c' est des grandès letes. Gn a I, V, X, L, C, D eyet M, k' ont les valixhances di 1, 5, 10, 50, 100, 500 eyet 1000. Les letes, aboctêyes avou ene l' ôte, vont dner les limeros, del manire shuvante: on chife pus ptit metou al hintche d' onk pus grand vout dire k' i fåt rsaetchî li ptit foû do grand po-z aveur li rzultat. eg: IX = 9 (10 - 1). MCMDCXCVIII = 1698 ( 1000 + (1000 - 100) + 500 + 100 + (100 - 10) + 5 + 1 + 1 + 1). Les chifes romins estént pår målåjheys a scrire et a lére. >> Chifes arabes: les chifes eployîs enute po scrire les nombes; lomés insi eneviè les chifes romins k' estént eployîs davance. Li notåcion des nombes pal eplaeçmint des chifes, avou on zero, a stî edvinté el Inde; et a-st arivé el Europe viè l' 10inme siéke, å dtruviè des lives di matematikes et d' astronomeye arabes. 2. (stindaedje) dinêye limerike, limero, statistike. Vos m' denroz les dierins chifes d' arivêye d' abagants cladestins. Etimolodjeye: aråbe "sifr" (zero), pal voye di l' itålyin "cifra". | a chife [addjectivire] ki rote avou des chifes et nén des eweyes, des grefes u des ôtes sistinmes mecanikes. Ene monte a chife; ene ôrlodje a chifes; on termomete a chifes. F. digital(e). | chifrer ([http://lucyin.walon.org/codjowaedjes/boerler.html codjowaedje]) I. [v.c.] diner ene avirance avou on chife so ene costindje, ene mezeure. Èm pôriz chifrer kibén k' ça costeyréve po-z eplaider ci roman la ? II. [v.s.dj.] esse bråmint (des cwårs). Pruster a cici, pruster a cila, ça finixh pa chifrer, la ça (ramexhné pa M. Francard). rl a: [[Motî:dichifrer|dichifrer]]. Disfondowes: chifrer, chîfrer, chifrè. | chifraedje [o.n.] no d' fijhaedje et no di çou k' est fwait (accion eyet si rzultat) pol viebe "chifrer". Vos m' denroz on chifraedje des costindjes dedja payeyes et les cenes co a payî. F. estimation chiffrée. | chifråve [addj.] ki pout esse chifré (êye). F. déchiffrable. Disfondowes: chifrauve, chifrâve, chifraule, chifrâle, chifrâbe.