chife [o.n.]
1. sene eployî po rprezinter les nombes, les limeros. On chife est a on nombe çou k' ene lete est a on mot. Louke come i fwait des beas chifes.
>> aprinde ses chifes: aprinde li cårcul.
>> on zero e chife: on biesse, on nolu. I m' a fwait passer po on zero an chife, rl a: [[Motî:catanchife|catanchife]].
>> broker ås chifes: dire pus hôt k' èn ôte, dins ene hôsse. F. surenchérir.
2. dinêye limerike, limero, sitatistike. Vos m' dinroz les dierins chifes d' arivêye d' abagants clandestins.
Disfondowes: chife, chëfe, chîfe.
Etimolodjeye: arabe "sifr" (zero), pal voye di l' itålyin "cifra".
| ås chifes [addjectivire] ki rote avou des chifes et nén des aweyes, des grefes u des ôtes sistinmes mecanikes. Ene monte ås chifes; ene ôrlodje ås chifes; on termomete ås chifes. F. digital(e).
| chifrer ([[Codjowaedje mostrer|codjowaedje]])
I. [v.c.] diner ene avirance avou on chife so ene costindje, ene mezeure. Èm pôriz chifrer kibén k' ça costêyreut po-z eplaidî ci roman la ?
II. [v.s.dj.]
1. fé bråmint (des cwårs). Pruster a ci-ci, pruster a ci-la, ça finixh pa chifrer, la ça (ramexhné pa [[M. Francard]]).
2. esse tchir. Ça chifere dedja, dandjreus, ene bele pto come çoula ?
Disfondowes: chifrer, chîfrer, chifrè.
| chifraedje [o.n.] no d' fijhaedje et no di çou k' est fwait (accion eyet si rzultat) pol viebe "chifrer". Vos m' dinroz on chifraedje des costindjes dedja payeyes et les cenes co a payî. F. estimation chiffrée.
| chifråve [addj.] ki pout esse chifré (êye). F. chiffrable.
Disfondowes: chifrauve, chifrâbe.
Parintêye:
* [[Motî:dichifrer|dichifrer]].
----
* [[chife|Dipus d' racsegnes so les chifes]]
* [[chife e walon|Dipus d' racsegnes so li scrijhaedje des chifes e totès letes e walon]]
* Li mot chife est onk des råles mots walon la kel [[Son CH]] si scrît CH.