{{Wiccionaire-motî|cizete}} [[Imådje:m_cizete.jpg|thumb|143px|blanke cizete]] cizete 2 [f.n.] 1. [[Motî:coltchike|coltchike]]: plante, e sincieus latén Colchicum automnale, ki vént dins les frexhès plaeces, ki fwait ses longuès cråssès rlujhantès foyes å prétins, pu flori e waeyén-tins. C' est ene violêye fleur ki rexhe direk di l' agnon. E plaeces, end a eto des rôzes, des blankes. Les grandès petales rishonnèt a ene sizete. Les grinnes, c' est on pwezon. Li solea est catchi drî l' grand bwès Sint-Mitchî; mins on sint k' il est lvé, paski, la-hôt, gn a l' cir k' a divnou bleu come les cizetes ki florixhèt dins les prés a l' erire-såjhon (J. Calozet). Les cizetes dinèt do gaz åzès biesses; ele bôrèt, i les fåt trawer å trocar (ramexhné pa: J. Bastin). >> cizete di waeyéns: coltchike (po fé l' diferince avou ls orkidêyes, ezès plaece k' ele si lomèt eto "cizetes"). rl a: [[Motî:cizrece|cizrece]], [[Motî:vatche-e-vea|vatche-e-vea]], [[Motî:touwe-tchén|touwe-tchén]], [[Motî:pés-d'-vatche|pés-d'-vatche]]. 2. cizetes [t.pl.] fleur di ç' plante la. 3. sôre d' orkidêye, copurade les cultivêyes, k' ont des grandès fleurs come les cenes del coltchike. Disfondowes: cizète, cizate, cîzète. Omonimeye: * [[Motî:cizete 1|cizete]] (f.n., usteye po côper)