[[Imådje:clotche.jpg|thumb|Li grosse clotche di l' eglijhe di Transene (poirtrait saetchî pa L. Mahin).]]
clotche [f.n.] grosse masse di scrufier, come on hena rtourné, avou ene båre di fier å mitan (li bata), k' on pind et l' fé hossî por leye souner. Gn a l' tiesse ki bate li berloke On-z a l' cour tot tronnant Cwand on-z etind l' grosse clotche Do vî clotchî d' Sint-Djan (L. Loiseau). Vo t' la-st e purete å solea; Ôss les clotches ki sounèt-st a vepes ? (L. Warnant). F. cloche.
>> Si les clotches di [[Motî:Sint-Houbert|Sint-Houbert°]] sounrént (u: si l' grosse clotche sounreut), t' î dmeurreus.
>> clotches di Rome:
a) [[Motî:påcaedje|påcaedje]]. Avoz yeu vos clotches di Rome dé vosse mononke ?
b) oûs d' Påke. Li semdi sint, les efants alént ramasser ås clotches di Rome tot tchantant "A Chimè, a Bavè, on soune les clotches berlim bom bom, berlim bom bom". (ramexhné pa J. Haust & E. Legros).
>> leye [[Motî:sigoter|sigoter°]] les clotches.
Disfondowes: clotche, cloke; sipårdaedjes des disfondowes: mape ALW 1.20.
Etimolodjeye: gayel "cloka" (minme sinse).
| clotchî [o.n.] boket d' ene eglijhe la k' i gn a les clotches, metou ki ponte e l' air. Dins nos viyaedjes, i dmore des eglijhes et leus clotchîs crombyîs, mins pupont d' mayeurs (D. Heymans). Voeyoz Couyet avou s' crawieus clotchî (J. Bertrand). F. clotchî.
Disfondowes: clotchî, clokî, cloki, clotchiè.
| clotchete [f.n.]
1. bouyete d' aiwe ki vént ås plaeces k' ont stî cfroyeyes. A dischinde eyet a griper, Dj' aveu des clotchetes a mes pîs. F. cloche, ampoule.
>> Li ci ki s' a broûlé l' cou i n' a k' a s' ashir so ses clotchetes°. rl a: [[Motî:diale 1|diale]], [[Motî:coine (di vatche)|coine]].
2. fleur k' a l' cogne d' ene pitite clotche. Li passe-rôze est ene fleur des bwès, ki florixh å moes d' may, avou des blankès clotchetes. rl a: [[Motî:blanke clotchete|blanke clotchete]]. F. clochette.
Disfondowes: clotchete, clokete.
| clotchreye [f.n.] oujhene k' on-z î fjheut des clotches. Gn a yeu lonmint ene clotchreye a Telin. rl a: [[Motî:clocmane|clocmane]].
| clotchin [o.n.] (v.m.) roudion (xhilete des tchvås). rl a: [[Motî:garlot|garlot]], [[Motî:clabot|clabot]].
Disfondowes: clokin, clokén.